ರುದ್ರಮ್ ಕ್ಷಿಪಣಿ: ಏನಿದರ ವೈಶಿಷ್ಠ್ಯ?
ಭಾರತೀಯ ವಾಯುಪಡೆಗಾಗಿ (ಐಎಎಫ್) ರಕ್ಷಣೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್‌ಡಿಒ) ಇದನ್ನು ಅಭಿವೃದ್ಧಿ ಪಡಿಸಿದೆ.
ಪೂರ್ವ ಕರಾವಳಿಯಲ್ಲಿ ಹೊಸ ತಲೆಮಾರಿನ ಈ ಕ್ಷಿಪಣಿಯ ಪರೀಕ್ಷೆಗಾಗಿ ಸುಖೋಯ್ -೩೦ ಯುದ್ಧ ವಿಮಾನವನ್ನು ಬಳಸಲಾಯಿತು.
ರುದ್ರಮ್ ೧ ಕ್ಷಿಪಣಿಯನ್ನು ಐಎಎಫ್‌ನ ಸುಖೋಯ್ -೩೦ ಜೆಟ್‌ಗಳೊಂದಿಗೆ ಸಂಯೋಜಿಸಬಹುದು ಮತ್ತು ಈ ಯುದ್ಧ ವಿಮಾನಗಳನ್ನೇ ಅದರ ಉಡಾವಣಾ ವೇದಿಕೆಯಾಗಿ ಬಳಸಬಹುದು.
ರಕ್ಷಣಾ ವೆಬ್‌ಸೈಟ್ ಡಿಫೆನ್ಸ್ ಅಪ್ಡೇಟ್.ಇನ್ ಪ್ರಕಾರ, ರುದ್ರಮ್ ೧ ಕ್ಷಿಪಣಿಯನ್ನು ರೇಡಿಯೋ ಕಣಗಳ ಮೂಲವನ್ನು ಪತ್ತೆಹಚ್ಚಲು ಮತ್ತು ಅಭಿವೃದ್ಧಿಗೊಳಿಸಲು ಬಳಸಬಹುದು. ಇದು ರುದ್ರಮ್ ೧ ಕ್ಷಿಪಣಿಗೆ ನೆಲದ ಮೇಲೆ ಶತ್ರು ರಾಡಾರ್‌ಗಳನ್ನು ಕಂಡುಹಿಡಿಯುವ ಸಾಮರ್ಥ್ಯವನ್ನು ನೀಡುತ್ತದೆ. ಈ ಕ್ಷಿಪಣಿಗಳು ನೆಲದ ಮೇಲೆ ಶತ್ರು ರಾಡಾರ್‌ಗಳನ್ನು ನಿಶ್ಯಸ್ತ್ರಗೊಳಿಸಿದ ನಂತರ, ಮೊದಲ ತರಂಗವನ್ನು ಅನುಸರಿಸುವ ದಾಳಿಯಲ್ಲಿ ಹೆಚ್ಚಿನ ಹಾನಿ ಉಂಟುಮಾಡಲು ಇದು ಸಹಾಯ ಮಾಡುತ್ತದೆ.
ಎನ್ ಜಿಎಆರ್‌ಎಂನ ಪ್ರಾಥಮಿಕ ಮಾರ್ಗದರ್ಶನ ವ್ಯವಸ್ಥೆಯು ಪ್ಯಾಸಿವ್ ಹೋಮಿಂಗ್ ಹೆಡ್ (ಪಿಎಚ್ ಎಚ್) ಹೊಂದಿದೆ. ಇದಕ್ಕೆ ಬ್ರಾಡ್‌ಬ್ಯಾಂಡ್ ಸಾಮರ್ಥ್ಯ ಇದೆ. ಈ ವೈಶಿಷ್ಟ್ಯಗಳು ಕ್ಷಿಪಣಿಗೆ ಬರುತ್ತಿರುವ ವಿಕಿರಣಗಳ ಮಧ್ಯದಲ್ಲಿನ ಗುರಿಯನ್ನು ಗುರುತಿಸಲು ಮತ್ತು ಆಯ್ಕೆ ಮಾಡಲು ಅನುವು ಮಾಡಿಕೊಡುತ್ತದೆ.
ಹೊಸ ಕ್ಷಿಪಣಿಯು ಪಿಎಚ್‌ಎಚ್‌ನೊಂದಿಗೆ ಡಿ-ಜೆ ಬ್ಯಾಂಡ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು ೧೦೦ ಕಿ.ಮೀ ದೂರದಿಂದ ರೇಡಿಯೊ ಫ್ರೀಕ್ವೆನ್ಸಿ ಹೊರಸೂಸುವಿಕೆಯನ್ನು ಕಂಡುಹಿಡಿಯಬಲ್ಲುದು.
ರುದ್ರಮ್ ೧ ಗುರಿಯನ್ನು ಹುಡುಕುವ ಕ್ಷಿಪಣಿಯಾಗಿದೆ. ಇದು ರಾಡಾರ್ ಗುಮ್ಮಟವನ್ನು ಹೊಂದಿದೆ. ಈ ಗುಮ್ಮಟವು ಕ್ಷಿಪಣಿಗಳಿಗೆ ನಿರ್ಣಾಯಕವಾಗಿದೆ. ಇದನ್ನು ನೆಲದ ಮೇಲಿನ ಶತ್ರುಗಳ ರಾಡಾರ್‌ಗಳನ್ನು ಗುರಿಯಾಗಿಸಲು ಮತ್ತು ನಾಶಪಡಿಸಲು ಬಳಸಬಹುದು.
ರುದ್ರಮ್ ೧೦೦-೨೫೦ ಕಿ.ಮೀ ನಡುವಿನ ಯಾವುದೇ ಶ್ರೇಣಿಯನ್ನು ಹೊಡೆಯಬಲ್ಲುದು.
No comments:
Post a Comment