ಭಾರೀ ವಿದ್ಯುತ್ ಕಡಿತಕ್ಕೆ ಮುಂಬೈ ತತ್ತರ

 ಭಾರೀ ವಿದ್ಯುತ್ ಕಡಿತಕ್ಕೆ ಮುಂಬೈ ತತ್ತರ

ಮುಂಬೈ: ಮಹಾ ಗ್ರಿಡ್ ವೈಫಲ್ಯದಿಂದಾಗಿ ಮುಂಬೈ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ  ೨೦೨೦ ರ ಅಕ್ಟೋಬರ್ ೧೨ ರ ಸೋಮವಾರ ಜನಜೀವನ, ರೈಲ್ವೇ ಸಂಚಾರ ವ್ಯಾಪಕ ವಿದ್ಯುತ್ ಕಡಿತದಿಂದ ತತ್ತರಿಸಿದ್ದು, ಪರಿಸ್ಥಿತಿಯನ್ನು ನಿಭಾಯಿಸಲು ಮಹಾರಾಷ್ಟ್ರ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ಅಧಿಕಾರಿಗಳ ತುರ್ತು ಸಭೆ ಕರೆದರು.

ಮುಂಬೈ ಮತ್ತು ಅದರ ಉಪನಗರಗಳಲ್ಲಿನ ಎಲ್ಲಾ ಅಗತ್ಯ ಸೇವೆಗಳಿಗೆ ವಿದ್ಯುತ್ ಸರಬರಾಜು ನಂತರ ಪುನಃಸ್ಥಾಪನೆಯಾಗಿದ್ದರೂ, ರಾಜ್ಯ ಇಂಧನ ಸಚಿವ ನಿತಿನ್ ರೌತ್ ಮತ್ತು ಹಿರಿಯ ಸರ್ಕಾರಿ ಅಧಿಕಾರಿಗಳು ಸಭೆಯಲ್ಲಿ ಪಾಲ್ಗೊಂಡರು.

"ಮುಂಬೈ, ಮುಂಬೈ ಉಪನಗರ, ಕಲ್ಯಾಣ್, ಥಾಣೆ, ಪಾಲ್ಘರ್ ಮತ್ತು ಹೊಸ ಮುಂಬೈಯಲ್ಲಿನ ಎಲ್ಲ ಅಗತ್ಯ ಸೇವೆಗಳಿಗೆ ವಿದ್ಯುತ್ ಸರಬರಾಜನ್ನು ಪುನಃಸ್ಥಾಪನೆ ಮಾಡಲಾಗಿದೆ. ಅನಿವಾರ್ಯವಲ್ಲದ ಸೇವೆಗಳನ್ನು ಕೂಡ ಶೀಘ್ರದಲ್ಲೇ ಪುನಃಸ್ಥಾಪಿಸಲಾಗುವುದು’ ಎಂದು ಸಚಿವ ನಿತಿನ್ ರೌತ್ ಟ್ವೀಟ್ ಮಾಡಿದರು.

ನಿರ್ವಹಣಾ ಕೆಲಸದ ಸಮಯದಲ್ಲಿ "ತಾಂತ್ರಿಕ ಸಮಸ್ಯೆಗಳಿಂದ’ ವೈಫಲ್ಯ ಉಂಟಾಗಿದೆ ಎಂದು ಅವರು ಹೇಳಿದ್ದಾರೆ.

ಮುಂಬೈನಲ್ಲಿ ಗ್ರಿಡ್ ವೈಫಲ್ಯದ ಬಗ್ಗೆ ಠಾಕ್ರೆ ಈ ಹಿಂದೆ ರೌತ್ ಮತ್ತು ಬೃಹನ್ಮುಂಬಯಿ ಮುನಿಸಿಪಲ್ ಕಾರ್ಪೊರೇಷನ್ (ಬಿಎಂಸಿ) ಆಯುಕ್ತ ಐ.ಎಸ್.ಚಹಾಲ್ ‘ಸಾಧ್ಯವಾದಷ್ಟು ಬೇಗ ವಿದ್ಯುತ್ ಸರಬರಾಜನ್ನು ಪುನಃಸ್ಥಾಪಿಸಲು ಮುಖ್ಯಮಂತ್ರಿ ಸೂಚನೆಗಳನ್ನು ನೀಡಿದ್ದಾರೆ. ಅಗತ್ಯವಿರುವ ಈ ಸಮಯದಲ್ಲಿ ಜಾಗರೂಕರಾಗಿರಲು ಅವರು ಅಗ್ನಿಶಾಮಕ ದಳದಂತಹ ಇಲಾಖೆಗಳಿಗೆ ಸೂಚನೆ ನೀಡಿದ್ದಾರೆ. ಮುಂಬೈ ಸ್ಥಳೀಯ ರೈಲುಗಳ ಗುಣಮಟ್ಟದ ಪ್ರಯಾಣಿಕರಿಗೆ ಸರಿಯಾದ ವ್ಯವಸ್ಥೆ ಮಾಡುವಂತೆ ಮುಖ್ಯಮಂತ್ರಿ ಸ್ಥಳೀಯ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ’ ಎಂದು ಹೇಳಿಕೆಯಲ್ಲಿ ತಿಳಿಸಿದರು.

ಮಹಾವಿದ್ಯುತ್ ಕಡಿತದಿಂದಾಗಿ ನಗರದ ಜೀವಸೆಲೆ ಎಂದು ಪರಿಗಣಿಸಲಾದ ಸ್ಥಳೀಯ ರೈಲುಗಳು ಸುಮಾರು ಎರಡೂವರೆ ಗಂಟೆಗಳ ಕಾಲ ಸ್ಥಗಿತಗೊಂಡವು. ಇದರಿಂದ ಪ್ರಯಾಣಿಕರಿಗೆ ತೊಂದರೆ ಉಂಟಾಗುತ್ತದೆ ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದರು.

ಆರ್ಥಿಕ ರಾಜಧಾನಿಯಲ್ಲಿ ಸೋಮವಾರ ಬೆಳಿಗ್ಗೆ ವಿದ್ಯುತ್ ಗ್ರಿಡ್ ವೈಫಲ್ಯದ ನಂತರ ಇಲ್ಲಿನ ಎಲ್ಲಾ ಉಪನಗರ ಮತ್ತು ದೂರದ ರೈಲುಗಳನ್ನು ಬೆಳಿಗ್ಗೆ ೧೦.೦೫ ರಿಂದ ಹಳಿಗಳಲ್ಲಿ ಇರಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದರು.

ಅನೇಕ ಪ್ರಯಾಣಿಕರು ರೈಲ್ವೇ ಬೋಗಿಗಳಿಂದ ಇಳಿದು ಮತ್ತು ಹಳಿಗಳಲ್ಲಿ ನಡೆದು ಹತ್ತಿರದ ನಿಲ್ದಾಣ ಅಥವಾ ರಸ್ತೆಯನ್ನು ತಲುಪಿದರು.

ವಿದ್ಯುತ್ ಗ್ರಿಡ್ ವೈಫಲ್ಯದಿಂದಾಗಿ ಕೇಂದ್ರ ರೈಲ್ವೆ (ಸಿಆರ್) ಮತ್ತು ಪಶ್ಚಿಮ ರೈಲ್ವೆ (ಡಬ್ಲ್ಯುಆರ್) ಎರಡೂ ಮಾರ್ಗಗಳಲ್ಲಿನ ಉಪನಗರ ಸೇವೆಗಳು ಸ್ಥಗಿತಗೊಂಡಾಗ ಇದು ಅಪರೂಪದ ಘಟನೆ ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದರು. ಸೆಪ್ಟೆಂಬರಿನಲ್ಲಿ ಭಾರೀ ಮಳೆಯಿಂದಾಗಿ ನೀರು ನಿಂತದ್ದನ್ನು ಅನುಸರಿಸಿ, ಕೋವಿಡ್ -೧೯ ಸಾಂಕ್ರಾಮಿಕದ ಮಧ್ಯೆ ಅಗತ್ಯ ಸೇವೆಗಳ ಸಿಬ್ಬಂದಿಗೆ ಮಾತ್ರ ಒದಗಿಸಲಾಗಿದ್ದ ಸಿಆರ್ ಮತ್ತು ಡಬ್ಲ್ಯುಆರ್ ಸೇವೆಗಳನ್ನು ಅಮಾನತುಗೊಳಿಸಲಾಗಿತ್ತು.

ಮುಂಬೈ ನಗರವನ್ನು ನೆರೆಯ ನವೀ ಮುಂಬಯಿಗೆ ಸಂಪರ್ಕಿಸುವ ಬಂದರು ಮಾರ್ಗದಲ್ಲಿರುವ ಕೇಂದ್ರ ರೈಲ್ವೆಯ ಸೇವೆಗಳು ಮೊದಲು ಬೆಳಿಗ್ಗೆ ೧೦.೫೫ ಕ್ಕೆ ಪುನರಾರಂಭಗೊಂಡವು ಎಂದು ಸಿಆರ್ ಪ್ರಕಟಣೆಯಲ್ಲಿ ತಿಳಿಸಿತು.

ಛತ್ರಪತಿ ಶಿವಾಜಿ ಮಹಾರಾಜ್ ಟರ್ಮಿನಸ್ ನಿಂದ ನೆರೆಯ ಥಾಣೆಯ ಕಸಾರ ಮತ್ತು ರಾಯ್ಗಡ್ನ ಖೋಪೋಲಿವರೆಗೆ ಮುಖ್ಯ ಮಾರ್ಗ ಜಾಲ ಮಧ್ಯಾಹ್ನ ೧೨.೨೬ ಕ್ಕೆ ಪುನರಾರಂಭವಾಯಿತು ಎಂದು ಪ್ರಕಟಣೆ ತಿಳಿಸಿತು.

ಚರ್ಚ್‌ಗೇಟ್ ಮತ್ತು ದಹನು (ಪಾಲ್ಘರ್‌ನಲ್ಲಿ) ನಿಲ್ದಾಣಗಳ ನಡುವೆ ಸ್ಥಳೀಯ ರೈಲುಗಳನ್ನು ಓಡಿಸುವ ವೆಸ್ಟರ್ನ್ ರೈಲ್ವೆ ಪ್ರಕಾರ, ಅದರ ಸೇವೆಗಳನ್ನು ಮಧ್ಯಾಹ್ನ ೧೨.೨೦ ಕ್ಕೆ ಪುನಃಸ್ಥಾಪಿಸಲಾಗಿದೆ. "ಪಶ್ಚಿಮ ರೈಲ್ವೆಯ ಮುಂಬೈ ಉಪನಗರ ವಿಭಾಗದಲ್ಲಿ ವಿದ್ಯುತ್ ಸರಬರಾಜನ್ನು ಪುನಃಸ್ಥಾಪಿಸಿದಂತೆ, ಎಲ್ಲಾ ಓವರ್ ಹೆಡ್ ಉಪಕರಣಗಳಲ್ಲಿ ಮಧ್ಯಾಹ್ನ ೧೨.೨೦ ಕ್ಕೆ ವಿದ್ಯುತ್ ಸರಬರಾಜು ಪುನಃಸ್ಥಾಪನೆಗೊಂಡಿದೆ ಮತ್ತು ಉಪನಗರ ರೈಲು ಸೇವೆಗಳನ್ನು ಪುನಃಸ್ಥಾಪಿಸಲಾಗಿದೆ’ ಎಂದು ಡಬ್ಲ್ಯುಆರ್ ವಕ್ತಾರರು ತಿಳಿಸಿದ್ದಾರೆ.

ಹಲವಾರು ವಿಶೇಷ ಔಟ್‌ಸ್ಟೇಷನ್ ರೈಲು ಸೇವೆಗಳಿಗೆ ಸಹ ಹೊಡೆತ ಬಿದ್ದಿದ್ದು, ರೈಲ್ವೆ ಅಧಿಕಾರಿಗಳು ತಮ್ಮ ನಿರ್ಗಮನವನ್ನು ಮರು ನಿಗದಿಡಿಸಬೇಕಾಯಿತು.

ಲೋಕಮಾನ್ಯ ತಿಲಕ್ ಟರ್ಮಿನಸ್-ಗೋರಖ್‌ಪುರ, ಎಲ್‌ಟಿಟಿ-ಗೋರಖ್‌ಪುರ, ಎಲ್‌ಟಿಟಿ-ತಿರುವನಂತಪುರಂ, ಎಲ್‌ಟಿಟಿ-ದರ್ಭಂಗಾ ಮತ್ತು ಎಲ್‌ಟಿಟಿ-ವಾರಣಾಸಿ ವಿಶೇಷ ರೈಲುಗಳ ಪಯಣವನ್ನು ಮರು ನಿಗದಿಪಡಿಸಲಾಗಿದೆ  ಎಂದು ಕೇಂದ್ರ ರೈಲ್ವೆ ಪ್ರಕಟಣೆಯಲ್ಲಿ ತಿಳಿಸಿತು.

ವಿದ್ಯುತ್ ತೊಂದರೆಯಿಂದಾಗಿ ಅದರ ಬಾಂದ್ರಾ ಟರ್ಮಿನಸ್-ಅಮೃತಸರ ಕ್ಲೋನ್ ವಿಶೇಷ ರೈಲು, ಬಾಂದ್ರಾ ಟರ್ಮಿನಸ್-ಅಮೃತಸರ ಪಶ್ಚಿಮ್ ಎಕ್ಸ್‌ಪ್ರೆಸ್, ಅಹಮದಾಬಾದ್-ಮುಂಬೈ ಸೆಂಟ್ರಲ್ ಕರ್ನಾವತಿ ಎಕ್ಸ್‌ಪ್ರೆಸ್, ಸಯಾಜಿ ನಾಗ್ರಿ ಎಕ್ಸ್‌ಪ್ರೆಸ್ ಮತ್ತು ಬಾಂದ್ರಾ ಟರ್ಮಿನಸ್-ಜೋಧಪುರ ಸೂರ್ಯ ನಾಗ್ರಿ ಎಕ್ಸ್‌ಪ್ರೆಸ್ ಸಂಚಾರ ಅಸ್ತವ್ತಸ್ತಗೊಂಡಿತು ಎಂದು ಡಬ್ಲ್ಯುಆರ್ ಅಧಿಕಾರಿಗಳು ತಿಳಿಸಿದರು.

ವಿದ್ಯುತ್ ಕಡಿತದಿಂದಾಗಿ ನಗರದಾದ್ಯಂತ ೭೦೦ ಟ್ರಾಫಿಕ್ ಸಿಗ್ನಲ್‌ಗಳು ಕಾರ್ಯನಿರ್ವಹಿಸುವುದನ್ನು ನಿಲ್ಲಿಸಿದ್ದರಿಂದ ಪ್ರಯಾಣಿಕರು ಒದ್ದಾಡಿದರು. ಮುಂಬೈ ವಿದ್ಯುತ್ ಸ್ಥಗಿತದಿಂದಾಗಿ ಮುಂಬೈ ವಿಶ್ವವಿದ್ಯಾಲಯ (ಎಂಯು) ಗೆ ಸಂಬಂಧಿಸಿದ ಹಲವಾರು ಕಾಲೇಜುಗಳಲ್ಲಿನ ಪರೀಕ್ಷೆಗಳನ್ನು ಮರು ನಿಗದಿಪಡಿಸಲಾಯಿತು. ಕೆಲವು ಕಡೆ ಪರೀಕ್ಷೆಗಳು ಪ್ರಾರಂಭವಾದ ನಂತರ ಅವುಗಳನ್ನು ರದ್ದುಗೊಳಿಸಬೇಕಾಯಿತು. ಇತರ ಕಡೆ ಕಾಲೇಜುಗಳು ಬೆಳಿಗ್ಗೆ ೧೧ ಗಂಟೆಗೆ ಅಥವಾ ನಂತರ ನಡೆಯಬೇಕಿದ್ದ ಪರೀಕ್ಷೆಗಳನ್ನು ಮುಂದೂಡಿದವು.