ಭಾರತದ ಸಮುದ್ರಾಹಾರ ಪೊಟ್ಟಣಗಳಲ್ಲಿ ಕೋವಿಡ್ ವೈರಸ್
ಮೂರು ಕಟಲ್‌ಫಿಶ್ ಪ್ಯಾಕೇಜ್‌ಗಳಲ್ಲಿ ವೈರಸ್ ಪತ್ತೆಯಾದ ನಂತರ ಭಾರತೀಯ ಕಂಪೆನಿಯೊಂದರ ಆಮದನ್ನು ಅಧಿಕಾರಿಗಳು ಸ್ಥಗಿತಗೊಳಿಸಿದ ಒಂದು ವಾರದ ನಂತರ ಈ ಘಟನೆ ಘಟಿಸಿದೆ.
ಹೆಪ್ಪುಗಟ್ಟಿದ ಪ್ಯಾಕೇಜ್‌ಗಳು ಸೋಂಕಿತ ವ್ಯಕ್ತಿಯಿಂದ ನಿರ್ವಹಿಸಲ್ಪಟ್ಟರೆ ಸಾರ್ಸ್-ಕೋವ್ -೨ ರ ಕುರುಹುಗಳನ್ನು ಹೊಂದಿರುವುದು ಅಸಾಮಾನ್ಯವೇನಲ್ಲ ಎಂದು ತಜ್ಞರು ಹೇಳುತ್ತಾರೆ, ಆದರೂ ಇದರಿಂದ ಹೆಚ್ಚಿನ ಜನರಿಗೆ ಸೋಂಕು ತಗಲುವ ಸಾಧ್ಯತೆಯಿಲ್ಲ, ಇದು ಘಟನೆಗಳ ಸಂಕೀರ್ಣ ಸರಣಿಯನ್ನು ಅವಲಂಬಿಸಿರುತ್ತದೆ.
ಆದಾಗ್ಯೂ, ನವೆಂಬರಿನಲ್ಲಿ ಬೀಜಿಂಗ್ ಬಳಿಯ ಟಿಯಾಂಜಿನ್ ನಗರದ ಶೈತ್ಯೀಕರಿಸಿದ ಗೋದಾಮು ಒಂದರಲ್ಲಿ ಕೆಲಸಗಾರನಿಗೆ ಜರ್ಮನಿಯಿಂದ ಆಮದು ಮಾಡಿಕೊಂಡ ಹಂದಿಮಾಂಸವನ್ನು ನಿರ್ವಹಿಸಿದ ನಂತರ ಕೋವಿಡ್ -೧೯ ಸೋಂಕು ತಗುಲಿತು ಎಂದು ಚೀನಾ ಹೇಳಿದೆ.
ಪ್ಯಾಕೇಜಿಂಗ್‌ನ್ನು ಆರಂಭದಲ್ಲಿ ಜರ್ಮನಿಯ ಬ್ರೆಮೆನ್‌ನಿಂದ ಟಿಯಾಂಜಿನ್‌ಗೆ ಮತ್ತು ಅಲ್ಲಿಂದ ಶಾಂಡೊಂಗ್ ಪ್ರಾಂತ್ಯದ ಡೆಜ್ ಹೌವು ನಗರಕ್ಕೆ ಆಮದು ಮಾಡಿಕೊಳ್ಳಲಾಗಿತ್ತು.
ಅಕ್ಟೋಬರ್ ೧೭ ರಂದು, ಚೀನೀ ಸೆಂಟರ್ ಫಾರ್ ಡಿಸೀಸ್ ಕಂಟ್ರೋಲ್ (ಸಿಡಿಸಿ) ಆಮದು ಮಾಡಿಕೊಂಡ ಮೀನುಗಳ ಪೊಟ್ಟಣಗಳ ಮೇಲಿದ್ದ ಸಕ್ರಿಯ ಸಾರ್ಸ್-ಕೋವ್ -೨ ವೈರಾಣನ್ನು ಪ್ರತ್ಯೇಕಿಸಿರುವುದಾಗಿ ಘೋಷಿಸಿತ್ತು, ಕಿಂಗ್ಡಾವೊ ನಗರದಲ್ಲಿ ಇತ್ತೀಚೆಗೆ ಸಾಂಕ್ರಾಮಿಕ ಹರಡಿದ್ದಕ್ಕೂ ಈ ಘಟನೆಯನ್ನು ಜೋಡಿಸಲಾಗಿತ್ತು.
ಕೊಂಡಿಗಳು ಅಸ್ಪಷ್ಟವಾಗಿದ್ದರೂ, ಚೀನಾ ಸರ್ಕಾರವು ಹೆಪ್ಪುಗಟ್ಟಿದ ಮಾಂಸ ಮತ್ತು ಸಮುದ್ರಾಹಾರ ಆಮದಿನ ತಪಾಸಣೆಯನ್ನು ಚುರುಕುಗೊಳಿಸಿದೆ, ವೈರಸ್ಸಿಗಾಗಿ ಲಕ್ಷಾಂತರ ಹೆಪ್ಪುಗಟ್ಟಿದ ಪ್ಯಾಕೇಜ್‌ಗಳನ್ನು ಈಗ ಪರೀಕ್ಷೆಗೆ ಒಳಪಡಿಸಿದೆ.
ಸೆಪ್ಟೆಂಬರ್ ೧೫ ರವರೆಗೆ ಲಭ್ಯವಿರುವ ಅಧಿಕೃತ ಮಾಹಿತಿಯ ಪ್ರಕಾರ, ಆ ದಿನಾಂಕದ ವೇಳೆಗೆ ದೇಶದ ೨೪ ಪ್ರಾಂತೀಯ ಮಟ್ಟದ ಪ್ರದೇಶಗಳಲ್ಲಿ ಒಟ್ಟು ೨.೯೮ ಮಿಲಿಯನ್ ಮಾದರಿಗಳನ್ನು ಪರೀಕ್ಷಿಸಲಾಗಿದೆ, ಇದರಲ್ಲಿ ಶೀತ-ಸರಪಳಿ ಆಹಾರ ಅಥವಾ ಆಹಾರ ಪ್ಯಾಕೇಜಿಂಗ್‌ಗಳಲ್ಲಿ ಕೆಲಸ ಮಾಡಿದ್ದ ೬,೭೦,೦೦೦ ಸಿಬ್ಬಂದಿ ಮತ್ತು , ೧.೨೪ ಮಿಲಿಯನ್ ಕೆಲಸ ಮಾಡುವ ಸಿಬ್ಬಂದಿ ಹಾಗೂ ೧.೦೭ ಮಿಲಿಯನ್ ಮಾದರಿಗಳನ್ನು ಪರಿಸರದಿಂದ ಪರೀಕ್ಷಿಸಲಾಗಿತ್ತು.
ಹೆಪ್ಪುಗಟ್ಟಿದ ಪ್ಯಾಕೇಜ್‌ಗಳಲ್ಲಿ ವೈರಸ್ ಪತ್ತೆಯಾದಾಗಲೆಲ್ಲಾ, ಚೀನಾ ಆ ನಿರ್ದಿಷ್ಟ ಕಂಪೆನಿಯಿಂದ ಆಮದನ್ನು ಕನಿಷ್ಠ ಒಂದು ವಾರ ಸ್ಥಗಿತಗೊಳಿಸಿದೆ.
ಇದೇ ರೀತಿಯ ಪರಿಶೀಲನೆಯ ಸಮಯದಲ್ಲಿ ಸ್ಥಳೀಯ ಚೀನಾದ ಅಧಿಕಾರಿಗಳು ಕೊರೋನವೈರಸ್-ಕಲುಷಿತ ಶೀತ-ಸರಪಳಿ ಆಮದಿನ ಎರಡು ಹೊಸ ಪ್ರಕರಣಗಳನ್ನು ಬುಧವಾರ ವರದಿ ಮಾಡಿದ್ದಾರೆ. ಎರಡು ಭಾರತೀಯ ಹೆಪ್ಪುಗಟ್ಟಿದ ಪೊಮ್‌ಫ್ರೆಟ್ ಪ್ಯಾಕೇಜ್‌ಗಳು ಮತ್ತು ಒಂದು ರಷ್ಯಾದ ಹೆಪ್ಪುಗಟ್ಟಿದ ಸಾಲ್ಮನ್ ಪ್ಯಾಕೇಜಿಂಗ್ ಮಾದರಿಯಲ್ಲಿ ಕೊರೋನಾವೈರಸ್ ಇದ್ದುದು ದೃಢಪಟ್ಟಿದೆ ಎಂದು ಜನರಲ್ ಅಡ್ಮಿನಿಸ್ಟ್ರೇಷನ್ ಆಫ್ ಕಸ್ಟಮ್ಸ್ ಆಫ್ ಚೀನಾ ಬುಧವಾರ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಭಾರತೀಯ ಪೋಮ್‌ಫ್ರೆಟ್ ಪೊಟ್ಟಣಗಳು ಪೂರ್ವ ಚೀನಾದ ಫುಜಿಯಾನ್ ಪ್ರಾಂತ್ಯದ ಫುಜ್‌ಹೋವು ಬಂದರಿನ ಮೂಲಕ ದೇಶವನ್ನು ಪ್ರವೇಶಿಸಿವೆ.
ಒಟ್ಟು ೨,೫೦೦ ಪೊಟ್ಟಣಗಳನ್ನು ಭಾನುವಾರ ಕೋಲ್ಡ್ ಸ್ಟೋರೇಜ್ ಸೌಲಭ್ಯಕ್ಕೆ ಸಾಗಿಸಲಾಯಿತು.
ಚೀನಾದ ಸಿಡಿಸಿ ಪ್ರಕಾರ, ೨,೧೧೭ ತುಣುಕುಗಳು ಇನ್ನೂ ಸಂಗ್ರಹದಲ್ಲಿವೆ, ಮತ್ತು ೩೮೩ ತುಣುಕುಗಳು ಮಾರಾಟವಾಗಿವೆ.
"ಎಲ್ಲಾ ಸಂಬಂಧಿತ ಸರಕುಗಳನ್ನು ಮೊಹರು ಮಾಡಲಾಗಿದೆ ಮತ್ತು ಟರ್ಮಿನಲ್ ಮಾರುಕಟ್ಟೆಗೆ ಬಿಡಲಾಗಿಲ್ಲ" ಎಂದು ರಾಜ್ಯ ಮಾಧ್ಯಮ ವರದಿ ತಿಳಿಸಿದೆ.
ನ್ಯೂಕ್ಲಿಯಿಕ್ ಆಸಿಡ್ ಪರೀಕ್ಷೆಯ ನಂತರ ಎಲ್ಲಾ ಕೋಲ್ಡ್ ಸ್ಟೋರೇಜ್ ಕೆಲಸಗಾರರು, ಕೋಲ್ಡ್ ಸ್ಟೋರೇಜ್ ಸಿಬ್ಬಂದಿ ಮತ್ತು ಸಂಬಂಧಿತ ಸಂಪರ್ಕಗಳನ್ನು ಕೇಂದ್ರೀಕೃತ ಪ್ರತ್ಯೇಕತೆ ಮತ್ತು ವೈದ್ಯಕೀಯ ವೀಕ್ಷಣೆಗೆ ಒಳಪಡಿಸಲಾಗಿದೆ ಎಂದು ವರದಿ ಹೇಳಿದೆ.
ರಫ್ತು ಮಾಡಿರುವ ಭಾರತೀಯ ಕಂಪೆನಿಯ ಯಾವುದೇ ವಿವರಗಳನ್ನು ಹೇಳಿಕೆಯಲ್ಲಿ ನೀಡಲಾಗಿಲ್ಲ.
ರಷ್ಯಾದಿಂದ ಆಮದು ಮಾಡಿಕೊಂಡ ಒಂದು ಹೆಪ್ಪುಗಟ್ಟಿದ ಸಾಲ್ಮನ್ ಪ್ಯಾಕೇಜಿಂಗ್ ಮಾದರಿಯಲ್ಲಿ ನ್ಯೂಕ್ಲಿಯಿಕ್ ಆಸಿಡ್ ಪರೀಕ್ಷೆಯಿಂದ ಕೊರೋನಾವೈರಸ್ ಇದ್ದುದು ದೃಢಪಟ್ಟಿದೆ ಎಂದೂ ಬುಧವಾರ ಚೀನಾದ ಕಸ್ಟಮ್ಸ್ ಘೋಷಿಸಿತು.
ಕಳೆದ ವಾರ, ಕೋಲ್ಕತಾ ಮೂಲದ ಕಂಪೆನಿಯಿಂದ ಆಮದು ಮಾಡಿಕೊಂಡ ಮೂರು ಹೆಪ್ಪುಗಟ್ಟಿದ ಕಟಲ್‌ಫಿಶ್ ಪ್ಯಾಕೇಜ್‌ಗಳಲ್ಲಿ ಕೊರೋನವೈರಸ್ ಕಂಡು ಬಂದಿದ್ದವು.
ಭಾರತದಿಂದ ಆಮದು ಮಾಡಿಕೊಂಡ ಹೆಪ್ಪುಗಟ್ಟಿದ ಆಹಾರವು ಚೀನಾವನ್ನು ತಲುಪಿದ ನಂತರ ವೈರಸ್ ಹೊಂದಿರುವುದು ಕಂಡುಬಂದಿಲ್ಲ ಎಂದು ರಾಜ್ಯ ಮಾಧ್ಯಮ ವರದಿಗಳು ತಿಳಿಸಿದವು.
ಈ ತಿಂಗಳ ಆರಂಭದಲ್ಲಿ, ಉತ್ತರ ಚೀನಾದ ಶಾಂಕ್ಸಿ ಪ್ರಾಂತ್ಯದ ರಾಜಧಾನಿ ತೈಯುವಾನ್‌ನಲ್ಲಿ ಹೆಪ್ಪುಗಟ್ಟಿದ ಹೇರ್‌ಟೇಲ್ ಎಂಬ ಮೀನಿನ ಪೊಟ್ಟಣಗಳಲ್ಲಿ ಕೊರೋನಾವೈರಸ್ ಕಂಡು ಬಂದಿದ್ದವು.
ರಾಜ್ಯ ಮಾಧ್ಯಮ ವರದಿಗಳ ಪ್ರಕಾರ, ಇತರ ದೇಶಗಳಿಂದ ಆಮದು ಮಾಡಿಕೊಂಡ ಸಮುದ್ರಾಹಾರ ಮತ್ತು ಮಾಂಸದ ಪೊಟ್ಟಣಗಳಲ್ಲೂ ಕೊರೋನವೈರಸ್ ಪತ್ತೆಯಾಗಿದೆ.
"ಚೀನಾ ಈ ಹಿಂದೆ ಎರಡು ಕೊರೋನವೈರಸ್-ಕಲುಷಿತ ಆಮದು ಮಾಡಿದ ಹೆಪ್ಪುಗಟ್ಟಿದ ಉತ್ಪನ್ನಗಳನ್ನು ವರದಿ ಮಾಡಿತ್ತು. ಒಂದು ಪೂರ್ವ ಚೀನಾದ ಶಾಂಡೊಂಗ್ ಪ್ರಾಂತ್ಯದ ಸಿಶುಯಿ ಮತ್ತು ಇನ್ನೊಂದು ವಾಯುವ್ಯ ಚೀನಾದ ಶಾನ್ಕ್ಸಿ ಪ್ರಾಂತ್ಯದ ಕ್ಸಿಯಾನ್’ ಟ್ಯಾಬ್ಲಾಯ್ಡ್ ಗ್ಲೋಬಲ್ ಟೈಮ್ಸ್ ಬುಧವಾರ ವರದಿ ಮಾಡಿದೆ.
ಜೂನ್‌ನಿಂದ, ಬೀಜಿಂಗ್, ಲಿಯಾನಿಂಗ್, ಅನ್ಹುಯಿ, ಫ್ಯೂಜಿಯಾನ್ ಮತ್ತು ಜಿಯಾಂಗ್ಕ್ಸಿ ಸೇರಿದಂತೆ ೧೦ ಕ್ಕೂ ಹೆಚ್ಚು ಪ್ರಾಂತ್ಯಗಳು ಮತ್ತು ನಗರಗಳು ಆಮದು ಮಾಡಿದ ಹೆಪ್ಪುಗಟ್ಟಿದ ಆಹಾರ ಅಥವಾ ಆಹಾರ ಪ್ಯಾಕೇಜಿಂಗ್‌ನಿಂದ ತೆಗೆದ ಕೊರೋನವೈರಸ್ ಇದ್ದ ಮಾದರಿಗಳನ್ನು ಕಂಡುಹಿಡಿದಿದೆ.
ಆಮದು ಮಾಡಿದ ಹೆಪ್ಪುಗಟ್ಟಿದ ಉತ್ಪನ್ನಗಳನ್ನು ಪತ್ತೆಹಚ್ಚಬೇಕು ಮತ್ತು ರಫ್ತು ಮಾಡುವ ಸಂಪೂರ್ಣ ಪ್ರಕ್ರಿಯೆಯಲ್ಲಿ ಮುಚ್ಚಿದ-ಲೂಪ್ ನಿರ್ವಹಣೆಯ ಮೂಲಕ ಹೋಗಬೇಕು ಎಂದು ನಿಯಂತ್ರಿಸುವ ಶೀತ-ಸರಪಳಿ ಆಹಾರ ಸೋಂಕುಗಳ ಕುರಿತು ಚೀನಾದ ರಾಜ್ಯ ಮಂಡಳಿ ನವೆಂಬರ್ ೯ ರಂದು ಮಾರ್ಗಸೂಚಿಗಳನ್ನು ನೀಡಿತ್ತು.
ಬುಧವಾರದವರೆಗೆ, ಸುಮಾರು ೩,೭೦೦ ಆಮದು ಮಾಡಿದ ಕೋವಿಡ್ -೧೯ ಪ್ರಕರಣಗಳು ಮುಖ್ಯ ಭೂಭಾಗದಲ್ಲಿ ವರದಿಯಾಗಿವೆ. ಚೀನಾದಲ್ಲಿ ದೃಢಪಟ್ಟ ಕೋವಿಡ್ -೧೯ ಪ್ರಕರಣಗಳ ಸಂಖ್ಯೆ ೮೬,೩೬೯ ಆಗಿದ್ದರೆ, ಸಾವಿನ ಸಂಖ್ಯೆ ೪,೬೩೪ ರಷ್ಟಿದೆ. ಸಾವಿನ ಪ್ರಮಾಣದಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ.
No comments:
Post a Comment