ಮಿಡ್ನಾಪುರ ಸಭೆ: ದೀದಿಗೆ ಮಮತಾಗೆ ಅಮಿತ್ ಶಾ ಸವಾಲು
‘ಬಿಜೆಪಿಯು ಇತರ ರಾಜಕಾರಣಿಗಳನ್ನು ಪಕ್ಷ ಬದಲಾಯಿಸಲು ಮತ್ತು ಬಿಜೆಪಿಗೆ ಸೇರಲು ಒತ್ತಾಯಿಸುತ್ತದೆ ಎಂದು ಮಮತಾ ಬ್ಯಾನರ್ಜಿ ಹೇಳುತ್ತಲೇ ಇರುತ್ತಾರೆ. ತೃಣಮೂಲ ಕಾಂಗ್ರೆಸ್ ರಚಿಸುವ ಮುನ್ನ ತಾವು ಸ್ವತಃ ಕಾಂಗ್ರೆಸ್ ಪಕ್ಷದ ಸದಸ್ಯರಾಗಿದ್ದರು ಎಂಬುದು ಅವರಿಗೆ ನೆನಪಿದೆಯೇ ಎಂದು ನಾನು ಮುಖ್ಯಮಂತ್ರಿಯನ್ನು ಕೇಳಲು ಬಯಸುತ್ತೇನೆ’ ಎಂದು ಶಾ ಹೇಳಿದರು.
’ಇಂದು ಕಾಂಗ್ರೆಸ್, ಸಿಪಿಐ (ಎಂ) ಮತ್ತು ತೃಣಮೂಲ ಕಾಂಗ್ರೆಸ್ಸಿನ ಹಲವಾರು ನಾಯಕರು ಬಿಜೆಪಿಗೆ ಸೇರಿದ್ದಾರೆ ಏಕೆಂದರೆ ಅವರು ಬಿಜೆಪಿಯ ಅಭಿವೃದ್ಧಿ ಕಾರ್ಯಗಳು ಮತ್ತು ಪ್ರಧಾನಿ ನರೇಂದ್ರ ಮೋದಿಯವರ ನಾಯಕತ್ವವನ್ನು ನಂಬಿದ್ದಾರೆ’ ಎಂದು ಶಾ ನುಡಿದರು.
"ಇದು ಕೇವಲ ಪ್ರಾರಂಭ, ರಾಜ್ಯವು ಚುನಾವಣೆಗೆ ಹೋಗುವ ಹೊತ್ತಿಗೆ, ನೀವು ಏಕಾಂಗಿಯಾಗಿ ಭಾರತೀಯ ಜನತಾ ಪಕ್ಷವನ್ನು ಮಾತ್ರ ಎದುರಿಸುತ್ತೀರಿ’ ಎಂದು ಅವರು ಹೇಳಿದರು.
ಪಶ್ಚಿಮ ಬಂಗಾಳದ ಮುಂದಿನ ಮುಖ್ಯಮಂತ್ರಿಯಾಗಿ ತಮ್ಮ ಸೋದರಳಿಯನನ್ನು ಸ್ಥಾಪಿಸಲು ಮುಖ್ಯಮಂತ್ರಿ ಯಾವಾಗಲೂ ಎದುರು ನೋಡುತ್ತಿದ್ದಾರೆ ಎಂದು ಹೇಳುವ ಮೂಲಕ ಶಾ ಅವರು ತೃಣಮೂಲ ಕಾಂಗ್ರೆಸ್ ಮುಖಂಡ ಮತ್ತು ಸಂಸದ ಅಭಿಷೇಕ್ ಬ್ಯಾನರ್ಜಿ ಅವರ ಬಗ್ಗೆಯೂ ಉಲ್ಲೇಖ ಮಾಡಿದರು.
‘ನೀವು ಮಾ ಮತಿ ಮನುಷ್ ಘೋಷಣೆಯನ್ನು ತೆಗೆದುಕೊಂಡು ಬಂಗಾಳದ ಜನರನ್ನು ಸುಲಿಗೆ ಮಾಡಲು ಬಳಸಿದ್ದೀರಿ. ಬಂಗಾಳದಲ್ಲಿ ತುಷ್ಟೀಕರಣ ರಾಜಕೀಯ ಮತ್ತು ಸ್ವಜನಪಕ್ಷಪಾತಕ್ಕೆ ನೀವು ದಾರಿ ಮಾಡಿಕೊಟ್ಟಿದ್ದೀರಿ. ನೀವು ೧೦ ಕೋಟಿಗೂ ಹೆಚ್ಚು ಬಂಗಾಳಿ ಜನರ ಭವಿಷ್ಯವನ್ನು ನಿರ್ಲಕ್ಷಿಸುವ ಆಯ್ಕೆ ಮಾಡಿದ್ದೀರಿ ಮತ್ತು ಬಂಗಾಳದ ನಿರುದ್ಯೋಗಿ ಯುವಕರ ಕೂಗನ್ನು ನಿರ್ಲಕ್ಷಿಸಿದ್ದೀರಿ. ನಿಮ್ಮ ಸೋದರಳಿಯನನ್ನು ಈ ರಾಜ್ಯದ ಮುಂದಿನ ಮುಖ್ಯಮಂತ್ರಿಯಾಗಿ ಹೇಗೆ ಸ್ಥಾಪಿಸಬೇಕು ಎಂಬುದರ ಬಗ್ಗೆ ನೀವು ಗಮನಹರಿಸಿದ್ದೀರಿ’ ಎಂದು ಶಾ ಚುಚ್ಚಿದರು.
ಕೇಂದ್ರದ ಯೋಜನೆಗಳ ಪ್ರಯೋಜನಗಳನ್ನು ಪಡೆಯಲು ಬಂಗಾಳದ ರೈತರಿಗೆ ಸಾಧ್ಯವಾಗುತ್ತಿಲ್ಲ; ಏಕೆಂದರೆ ಆ ಯೋಜನೆಗಳನ್ನು ಜಾರಿಗೆ ತರದಿರಲು ರಾಜ್ಯ ಸರ್ಕಾರ ನಿರ್ಧರಿಸಿz ಎಂದು ಶಾ ಆಪಾದಿಸಿದರು.
‘ಬಂಗಾಳದ ರೈತರು ತೃಣಮೂಲ ಕಾಂಗ್ರೆಸ್ಸನ್ನು ಅಧಿಕಾರದಿಂದ ಇಳಿಸಲು ಮತ ಚಲಾಯಿಸದಿದ್ದರೆ, ಅವರು ಕೇಂದ್ರದ ಯೋಜನೆಗಳ ಪ್ರಯೋಜನಗಳನ್ನು ಪಡೆಯಲು ಸಾಧ್ಯವಾಗುವುದಿಲ್ಲ’ ಎಂದು ಶಾ ಹೇಳಿದರು.
ಮೋದಿ ಸರ್ಕಾರವು ರೈತರಿಗಾಗಿ ವಿನ್ಯಾಸಗೊಳಿಸಿದ ಕೃಷಿ ಯೋಜನೆಗಳ ಅಡಿಯಲ್ಲಿ ಖಾತರಿಪಡಿಸಿದ ೬೦೦೦ ರೂಪಾಯಿಗಳನ್ನು ಸ್ವೀಕರಿಸಿಲ್ಲ ಎಂದು ಇಲ್ಲಿನ ರೈತರು ಹೇಳಿದ್ದಾರೆ ಎಂದೂ ಶಾ ನುಡಿದರು.
೨೦೨೧ ರ ಬಂಗಾಳ ವಿಧಾನಸಭಾ ಚುನಾವಣೆಗೆ ಮುಂಚಿತವಾಗಿ ಬಿಜೆಪಿಯ ಸಿದ್ಧತೆಗಳನ್ನು ನಡೆಸಲು ಶಾ ಅವರು ಎರಡು ದಿನಗಳ ಪಶ್ಚಿಮ ಬಂಗಾಳ ಪ್ರವಾಸದಲ್ಲಿದ್ದಾರೆ.
No comments:
Post a Comment