ಕಿಸಾನ್ ರೈಲು ೧೦೦ನೇ ಸಂಚಾರಕ್ಕೆ ಮೋದಿ ಚಾಲನೆ

 ಕಿಸಾನ್ ರೈಲು ೧೦೦ನೇ ಸಂಚಾರಕ್ಕೆ ಮೋದಿ ಚಾಲನೆ

ನವದೆಹಲಿ: ಪ್ರಧಾನಿ ಮೋದಿ ಅವರು  ದೇಶದ ಕಿಸಾನ್ ರೈಲಿನ ೧೦೦ನೇ ಸಂಚಾರಕ್ಕೆ ಮಹಾರಾಷ್ಟ್ರದಲ್ಲಿ 2020 ಡಿಸೆಂಬರ್  28ರ ಸೋಮವಾರ ಚಾಲನೆ ನೀಡಿದರು ಮತ್ತು ಕೋವಿಡ್ ಬಿಕ್ಕಟ್ಟಿನ ನಡುವಿನ ಈ ಸಾಧನೆಗಾಗಿ ದೇಶದ ಕೋಟ್ಯಂತರ ರೈತರನ್ನು ಅಭಿನಂದಿಸಿದರು.

ಕಿಸಾನ್ ರೈಲುಗಳು ದೇಶದ ರೈತರ ಸಬಲೀಕರಣಕ್ಕೆ ದೊಡ್ಡ ಹೆಜ್ಜೆಯಾಗಿದೆ ಎಂದು ಪ್ರಧಾನಿ ಹೇಳಿದರು.

ಕಿಸಾನ್ ರೈಲಿನ ೧೦೦ನೇ ಸಂಚಾರವನ್ನು ಮಹಾರಾಷ್ಟ್ರದ ಸಂಗೋಲಾದಿಂದ ಪಶ್ಚಿಮ ಬಂಗಾಳದ ಶಾಲಿಮಾರ್‌ಗೆ ವ್ಯವಸ್ಥೆ ಮಾಡಲಾಗಿದೆ. ಈ ಕಾರ್ಯಕ್ರಮದಲ್ಲಿ ಕೇಂದ್ರ ಸಚಿವರಾದ ನರೇಂದ್ರ ಸಿಂಗ್ ತೋಮರ್ ಮತ್ತು ಪಿಯೂಷ್ ಗೋಯಲ್ ಉಪಸ್ಥಿತರಿದ್ದರು.

ಪ್ರಸ್ತುತ, ಆಂಧ್ರಪ್ರದೇಶ, ಮಹಾರಾಷ್ಟ್ರ, ಬಿಹಾರ ಮತ್ತು ನಾಗಪುರದಂತಹ ರಾಜ್ಯಗಳನ್ನು ಸಂಪರ್ಕಿಸುವ ಭಾರತದಾದ್ಯಂತ ಸಂಚರಿಸುವ ಬೆರಳೆಣಿಕೆಯಷ್ಟು ರೈಲುಗಳಲ್ಲಿ, ಒಂಬತ್ತು ಕಿಸಾನ್ ರೈಲು ಒಂಬತ್ತು ಮಾರ್ಗಗಳಲ್ಲಿ ಚಲಿಸುತ್ತಿವೆ.

’ನಾನು ದೇಶದ ಕೋಟ್ಯಂತರ ರೈತರನ್ನು ಅಭಿನಂದಿಸುತ್ತೇನೆ. ಕೋವಿಡ್ -೧೯ ಸವಾಲಿನ ಹೊರತಾಗಿಯೂ ಕಿಸಾನ್ ರೈಲು ಜಾಲವು ಕಳೆದ ನಾಲ್ಕು ತಿಂಗಳಲ್ಲಿ ವಿಸ್ತರಿಸಿದೆ’ ಎಂದು ಪ್ರಧಾನಿ ಮೋದಿ ಹೇಳಿದರು, ಕಿಸಾನ್ ರೈಲು ರೈತರನ್ನು ಸಬಲೀಕರಣಗೊಳಿಸುವ ಮತ್ತು ಅವರ ಆದಾಯವನ್ನು ಹೆಚ್ಚಿಸುವ ದೊಡ್ಡ ಹೆಜ್ಜೆಯಾಗಿದೆ.

ಕಿಸಾನ್ ರೈಲು ಮೂಲಕ ದೇಶದ ಪ್ರತಿಯೊಂದು ಪ್ರದೇಶದ ರೈತರು ಮತ್ತು ಕೃಷಿಯನ್ನು ಸಂಪರ್ಕಿಸಲಾಗುತ್ತಿದೆ ಎಂದು ಪ್ರಧಾನಿ ಹೇಳಿದರು.

"ದೇಶದ ಸಣ್ಣ ಮತ್ತು ಅತಿಸಣ್ಣ ರೈತರಲ್ಲಿ ಶೇಕಡಾ ೮೦ ಕ್ಕಿಂತ ಹೆಚ್ಚು ಜನರು ಕಿಸಾನ್ ರೈಲು ಮೂಲಕ ಹೆಚ್ಚಿನ ಶಕ್ತಿಯನ್ನು ಪಡೆದಿದ್ದಾರೆ" ಎಂದು ಪ್ರಧಾನಿ ಮೋದಿ ಹೇಳಿದರು.

ರೈತರಿಗೆ ಕನಿಷ್ಠ ಮಿತಿ ಇಲ್ಲ, ಒಬ್ಬ ರೈತ ೫೦-೧೦೦ ಕೆಜಿ ಪಾರ್ಸೆಲ್ ಕಳುಹಿಸಬಹುದು ಎಂದು ಪ್ರಧಾನಿ ಹೇಳಿದರು.

‘ರೈತ ತನ್ನ ಬೆಳೆಯನ್ನು ದೂರದ ಮಾರುಕಟ್ಟೆಗಳಿಗೆ ಸಾಗಿಸಲು ಬಾಡಿಗೆಗೆ ಸಾಕಷ್ಟು ಖರ್ಚು ಮಾಡುತ್ತಿದ್ದ. ಈ ಸಮಸ್ಯೆಯ ದೃಷ್ಟಿಯಿಂದ, ಮೂರು ವರ್ಷಗಳ ಹಿಂದೆ ನಮ್ಮ ಸರ್ಕಾರ ಟೊಮೆಟೊ, ಈರುಳ್ಳಿ ಮತ್ತು ಆಲೂಗಡ್ಡೆ ಸಾಗಣೆಗೆ ಶೇಕಡಾ ೫೦ ಸಬ್ಸಿಡಿ ನೀಡಿತು’ ’ಎಂದು ಪ್ರಧಾನಿ ಹೇಳಿದರು.

ಮೆಗಾ ಫುಡ್ ಪಾರ್ಕ್‌ಗಳು, ಕೋಲ್ಡ್ ಚೈನ್ ಮೂಲಸೌಕರ್ಯ, ಪ್ರಧಾನಮಂತ್ರಿ ಕೃಷಿ ಸಂಪದ ಯೋಜನೆಯಡಿ ಕೃಷಿ ಸಂಸ್ಕರಣಾ ಕ್ಲಸ್ಟರ್ ಅಡಿಯಲ್ಲಿ ೬,೦೦೦ ಕ್ಕೂ ಹೆಚ್ಚು ಯೋಜನೆಗಳಿಗೆ ಅನುಮೋದನೆ ನೀಡಲಾಗಿದೆ ಎಂದು ಹೇಳಿದ ಪ್ರಧಾನಿ, ಆತ್ಮನಿರ್ಭರ ಭಾರತ ಪ್ಯಾಕೇಜ್ ಅಡಿಯಲ್ಲಿ ಸೂಕ್ಷ್ಮ ಆಹಾರ ಸಂಸ್ಕರಣಾ ಕೈಗಾರಿಕೆಗಳಿಗೆ ೧೦,೦೦೦ ಕೋಟಿ ರೂ. ಮಂಜೂರು ಮಾಡಲಾಗಿದೆ ಎಂದು ನುಡಿದರು.