ಪ್ರಧಾನಿ ಮೋದಿ ಬೆಂಬಲಕ್ಕೆ ನಿಂತ ಸಚಿವ ಗಡಣ

 ಪ್ರಧಾನಿ ಮೋದಿ ಬೆಂಬಲಕ್ಕೆ ನಿಂತ ಸಚಿವ ಗಡಣ

ನವದೆಹಲಿ: ಕೇಂದ್ರ ಸರ್ಕಾರ ಜಾರಿಗೊಳಿಸಿರುವ ಮೂರು ಕೃಷಿ ಕಾಯ್ದೆ ವಿರೋಧಿ ಪ್ರತಿಭಟನೆಗಳ ಮಧ್ಯೆ, ಗೃಹ ಸಚಿವ ಅಮಿತ್ ಶಾ, ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಸೇರಿದಂತೆ ಕೇಂದ್ರ ಸಚಿವ ಸಂಪುಟದ ಹಲವಾರು ಸಚಿವರು 2020 ಡಿಸೆಂಬರ್ 25ರ ಶುಕ್ರವಾರ ಸರ್ಕಾರವು ರೈತರ ಕಲ್ಯಾಣಕ್ಕೆ ಬದ್ಧ ಎಂದು ಘೋಷಿಸಿದ್ದು, ’ತಪ್ಪು ಮಾಹಿತಿ ವಿರುದ್ಧ’ ಜನ ಜಾಗೃತಿಗಾಗಿ ರಾಷ್ಟ್ರವ್ಯಾಪಿ ಸಂಚಾರಕ್ಕೆ ಸಜ್ಜಾಗಿದ್ದಾರೆ.

ನರೇಂದ್ರ ಮೋದಿ ಪ್ರಧಾನಿಯಾಗಿರುವವರೆಗೂ ಯಾವುದೇ ಕಾರ್ಪೊರೇಟ್ ಯಾರೇ ರೈತರ ಭೂಮಿಯನ್ನು ಕಸಿದುಕೊಳ್ಳಲು ಸಾಧ್ಯವಿಲ್ಲ ಎಂದು ಹೇಳಿದ ಅಮಿತ್ ಶಾ ಅವರು ಕೃಷಿ ಸುಧಾರಣೆ ವಿರೋಧಿ ಪ್ರತಿಭಟನೆಯ ಮೇಲೆ ದಾಳಿ ನಡೆಸಿದರು.

ಕನಿಷ್ಠ ಬೆಂಬಲ ಬೆಲೆ (ಎಂಎಸ್‌ಪಿ) ವ್ಯವಸ್ಥೆ ಮುಂದುವರೆಯುತ್ತದೆ ಮತ್ತು ಮಂಡಿಗಳನ್ನು ಮುಚ್ಚಲಾಗುವುದಿಲ್ಲ ಎಂದು ಶಾ ದೃಢಪಡಿಸಿದರು.

ದಿವಂಗತ ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಅವರ ಜನ್ಮ ದಿನಾಚರಣೆಯ ನಿಮಿತ್ತ ನವದೆಹಲಿಯಲ್ಲಿ ನಡೆದ ಸಭೆಯನ್ನುದ್ದೇಶಿಸಿ ಮಾತನಾಡಿದ ಶಾ, ಸೆಪ್ಟೆಂಬರಿನಲ್ಲಿ ಜಾರಿಗೆ ತಂದ ಮೂರು ಕೃಷಿ ಕಾನೂನುಗಳ ಬಗ್ಗೆ ಪ್ರತಿಪಕ್ಷಗಳು ಸುಳ್ಳು ಹರಡುತ್ತಿವೆ ಎಂದು ಆರೋಪಿಸಿದರು.

ಪ್ರತಿಭಟನೆಗಳಿಗೆ ಕಾರಣವಾದ ಕಾಯ್ದೆಗಳನ್ನು ಸಮರ್ಥಿಸಿದ ಅವರು ’ಇದು ರೈತರಿಗೆ ಪ್ರಯೋಜನವನ್ನು ನೀಡುತ್ತದೆ. ಕೃಷಿ ಸಚಿವ ನರೇಂದ್ರ ಸಿಂಗ್ ತೋಮರ್ ಅವರನ್ನು ರೈತರು ಶ್ಲಾಘಿಸುತ್ತಿದ್ದಾರೆ’ ಎಂದು ಹೇಳಿದರು. ರೈತ ಸಂಘಟನೆಗಳು ಕಾನೂನುಗಳ ಕೆಲವು ನಿಬಂಧನೆಗಳು ತಮ್ಮ ಹಿತಾಸಕ್ತಿಗೆ ಒಳಪಟ್ಟಿಲ್ಲ ಎಂದು ಭಾವಿಸಿದರೆ, ಅವುಗಳನ್ನು ಮುಕ್ತ ಮನಸ್ಸಿನಿಂದ ಚರ್ಚಿಸಲು ಸರ್ಕಾರ ಸಿದ್ಧವಾಗಿದೆ ಎಂದು ಶಾ ನುಡಿದರು.

‘೨೦೧೪ ಮತ್ತು ೨೦೧೯ ರಲ್ಲಿ, ಸಮ್ಮಿಶ್ರ ಸರ್ಕಾರಗಳ ಯುಗವನ್ನು ಕೊನೆಗೊಳಿಸಿದ ರೈತರು ಮೋದಿಯವರಿಗೆ  ಸ್ಪಷ್ಟ ಆದೇಶ ನೀಡಿದ್ದಾರೆ ಮತ್ತು ಮೋದಿ ಸರ್ಕಾರದ ಮೊದಲ ಆದ್ಯತೆಯೇ ರೈತರ ಕಲ್ಯಾಣ’ ಎಂದು ಶಾ ಹೇಳಿದರು. ಎಂಎಸ್‌ಪಿಯು ಕನಿಷ್ಠ ಬೆಳೆ ಬೆಳೆಯುವ ವೆಚ್ಚಕ್ಕೆ ಸಮನಾಗಿರುತ್ತದೆ ಎಂಬುದನ್ನು ಖಚಿತಪಡಿಸಿಕೊಳ್ಳಲು ಮೋದಿ ಸರ್ಕಾರ ರೈತರ ದೀರ್ಘಕಾಲದ ಬೇಡಿಕೆಯನ್ನು ಜಾರಿಗೆ ತಂದಿದೆ ಎಂದು ಅವರು ಹೇಳಿದರು.

ಮೋದಿ ಸರ್ಕಾರ ರೈತರಿಗಾಗಿ ಕಲ್ಯಾಣ ನಿಧಿಯನ್ನು ಭಾರಿ ಪ್ರಮಾಣದಲ್ಲಿ ಸಂಗ್ರಹಿಸಿದೆ ಎಂದು ಶಾ ಹೇಳಿದರು. ಮೋದಿಯವರು ರೈತರಿಗಾಗಿ ಪಿಎಂ ಕಿಸಾನ್ ಸಮ್ಮಾನ್ ನಿಧಿ ನೇರ ನಗದು ವರ್ಗಾವಣೆ ಯೋಜನೆಯನ್ನು ಜಾರಿಗೊಳಿಸಿದಾಗ, ರಾಹುಲ್ ಗಾಂಧಿ ಸೇರಿದಂತೆ ವಿರೋಧ ಪಕ್ಷದ ನಾಯಕರು ಕೃಷಿ ಸಾಲ ಮನ್ನಾಕ್ಕೆ ಒತ್ತಾಯಿಸಿzರು ಎಂದು ಶಾ ನೆನಪಿಸಿದರು.

 "೧೦ ವರ್ಷಗಳಲ್ಲಿ, [ಹಿಂದಿನ ಕಾಂಗ್ರೆಸ್ ನೇತೃತ್ವದ] ಯುಪಿಎ [ಯುನೈಟೆಡ್ ಪ್ರೋಗ್ರೆಸ್ಸಿವ್ ಅಲೈಯನ್ಸ್] ಸರ್ಕಾರವು ೬೦,೦೦೦ ಕೋಟಿ ರೂ.ಗಳನ್ನು ಮನ್ನಾ ಮಾಡಿದರೆ, ಕೇವಲ ಎರಡೂವರೆ ವರ್ಷಗಳಲ್ಲಿ ಮೋದಿಯವರು ೧೦ ಕೋಟಿ [೧೦೦ ಮಿಲಿಯನ್] ರೈತರಿಗೆ ೯೫,೦೦೦ ಕೋಟಿ ರೂ.ಗಳನ್ನು ಒದಗಿಸಿದ್ದಾರೆ ಎಂದು ಶಾ ವಿವರಿಸಿದರು.

‘ಶರದ್ ಪವಾರ್ ಕೃಷಿ ಸಚಿವರಾಗಿದ್ದಾಗ, ೨೦೧೩-೧೪ರಲ್ಲಿ ರೈತರ ಬಜೆಟ್ ೨೧,೯೦೦ ಕೋಟಿ ರೂ. ಈಗ ಮೋದಿಯವರ ಅಡಿಯಲ್ಲಿ ಇದು ರೂ .೧,೩೪,೦೦೦ ಕೋಟಿ ರೂಪಾಯಿಗಳಿಗೆ ತಲುಪಿದೆ. ಇದು ಮಡಕೆಯು ಕೆಟಲ್‌ನ್ನು ಕಪ್ಪು ಎಂಬುದಾಗಿ ಕರೆಯುವ ಪ್ರಕರಣವಾಗಿದೆ. ರೈತರ ಕಲ್ಯಾಣದ ಬಗ್ಗೆ ಮಾತನಾಡುವವರೇ, ತಾವು  ಅಧಿಕಾರದಲ್ಲಿದ್ದಾಗ ಏನು ಮಾಡಿದ್ದೀರಿ?’ ಎಣದಯ ಶಾ ಪ್ರಶ್ನಿಸಿದರು.

ದೆಹಲಿಯ ಕಿಶನ್ಗಢ ಗ್ರಾಮದ ಗೌಶಾಲಾದಲ್ಲಿ ಭಾರತೀಯ ಜನತಾ ಪಕ್ಷದ (ಬಿಜೆಪಿ) ಇತರ ನಾಯಕರೊಂದಿಗೆ ಮೋದಿಯವರ ರೈತರ ಜೊತೆಗಿನ ವಾಸ್ತವ ಸಂವಾದದಲ್ಲಿ ಪಾಲ್ಗೊಂಡರು.

ಇತರ ಕೇಂದ್ರ ಸಚಿವರು ಕೂಡಾ ದೇಶಾದ್ಯಂತ ಇದೇ ರೀತಿಯ ಘಟನೆಗಳನ್ನು ಉದ್ದೇಶಿಸಿ ಮಾತನಾಡಿದರು.

ನವದೆಹಲಿಯ ದ್ವಾರಕಾದಲ್ಲಿ, ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಒಂದು ಅಥವಾ ಎರಡು ವರ್ಷ ಕೃಷಿ ಕಾನೂನುಗಳು ಹೇಗೆ ಕಾರ್ಯನಿರ್ವಹಿಸುತ್ತವೆ ಎಂಬುದನ್ನು ರೈತರು ನೋಡಬೇಕು ಎಂದು ಸಲಹೆ ನೀಡಿದರು. ಒಂದು ವೇಳೆ ಅವುಗಳು ಪ್ರಯೋಜನಕಾರಿಯಲ್ಲ ಎಂದು ಕಂಡುಬಂದಲ್ಲಿ, ಸರ್ಕಾರವು ಅಗತ್ಯ ತಿದ್ದುಪಡಿಗಳನ್ನು ತರಲಿದೆ ಎಂದು ರಾಜನಾಥ್ ಹೇಳಿದರು.

ಪ್ರತಿಭಟನಾಕಾರರನ್ನು ತಮ್ಮ ಸ್ವಂತ ಜನರು ಎಂದು ರಾಜನಾಥ್ ಸಿಂಗ್ ಕರೆದರು. "[ಕಾನೂನುಗಳಿಗೆ ವಿರುದ್ಧವಾಗಿ] ಧರಣಿ ನಡೆಸುತ್ತಿರುವವರು ರೈತರು ... ಅವರ ಬಗ್ಗೆ ನಮಗೆ ಸಾಕಷ್ಟು ಗೌರವವಿದೆ’ ಎಂದು ಅವರು ನುಡಿದರು. ಮೂರು ಕಾನೂನುಗಳನ್ನು ವಿರೋಧಿಸಿ ಮುಖ್ಯವಾಗಿ ಪಂಜಾಬ್, ಹರಿಯಾಣ ಮತ್ತು ಉತ್ತರ ಪ್ರದೇಶದ ಕೆಲವು ಭಾಗಗಳಿಂದ ಸಾವಿರಾರು ರೈತರು ದೆಹಲಿಯ ಗಡಿಯಲ್ಲಿ ಶಿಬಿರ ನಡೆಸುತ್ತಿದ್ದಾರೆ.

ಸಿಂಗ್ ತಮ್ಮನ್ನು ರೈತನ ಮಗ ಎಂದು ಪರಿಚಯಿಸಿಕೊಂಡರು ಮತ್ತು ರೈತರ ಹಿತಾಸಕ್ತಿಗೆ ವಿರುದ್ಧವಾಗಿ ಸರ್ಕಾರ ಎಂದಿಗೂ ಏನನ್ನೂ ಮಾಡುವುದಿಲ್ಲ ಎಂದು ಹೇಳಿದರು.

‘ಈ ಕೃಷಿ ಕಾನೂನುಗಳ ಬಗ್ಗೆ ಜನರು ರೈತರನ್ನು ದಾರಿ ತಪ್ಪಿಸಲು ಪ್ರಯತ್ನಿಸಲಾಗುತ್ತಿದೆ. ನಾನು ರೈತನ ಮಗ ಮತ್ತು ಹೊಲಗಳಲ್ಲಿ ಕೆಲಸ ಮಾಡಿದ್ದೇನೆ. ಈ ಕಾನೂನುಗಳಲ್ಲಿ ರೈತರಿಗೆ ವಿರುದ್ಧವಾದ ಒಂದೇ ಒಂದು ನಿಬಂಧನೆ ಇಲ್ಲ ಎಂದು ನಾನು ನಿಮಗೆ ಭರವಸೆ ನೀಡಲು ಬಯಸುತ್ತೇನೆ’ ಎಂದು ರಕ್ಷಣಾ ಸಚಿವರು ಹೇಳಿದರು.

ಉತ್ತರ ಪ್ರದೇಶದ ರಾಂಪುರದಲ್ಲಿ ನಡೆದ ರೈತರ ಸಭೆಯನ್ನುದ್ದೇಶಿಸಿ ಮಾತನಾಡಿದ ಕೇಂದ್ರ ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವ ಮುಖ್ತಾರ್ ಅಬ್ಬಾಸ್ ನಖ್ವಿ, ರೈತರ ಕಲ್ಯಾಣದ “ರಕ್ಷಣೆ ಮತ್ತು ಉತ್ತೇಜನ” ಕ್ಕೆ ಸರ್ಕಾರ ಬದ್ಧವಾಗಿದೆ ಎಂದು ಹೇಳಿದರು. ಕೃಷಿಯ ಬಗ್ಗೆ ಏನೂ ತಿಳಿಯದ ರಾಜಕೀಯ ಪಕ್ಷಗಳು ರೈತರ ಹಿತಾಸಕ್ತಿಗೆ ಧಕ್ಕೆ ತರುತ್ತಿವೆ ಎಂದು ನಖ್ವಿ ಹೇಳಿದರು.

ಮೂರು ಕಾನೂನುಗಳನ್ನು ರಕ್ಷಿಸಲು ಬಿಜೆಪಿ ವಿಸ್ತಾರವಾದ ಯೋಜನೆಯನ್ನು ರೂಪಿಸಿದ್ದು, ಕೇಂದ್ರ ಸಚಿವರಾದ ನಿತಿನ್ ಗಡ್ಕರಿ, ನಿರ್ಮಲಾ ಸೀತಾರಾಮನ್, ಥಾವರ್ ಚಂದ್ ಗೆಹ್ಲೋಟ್, ರಮೇಶ್ ಪೋಖ್ರಿಯಾಲ್ ಅವರು ಇದಕ್ಕೆ ಸಂಬಂಧಿಸಿದಂತೆ ಹರಡಲಾಗುತ್ತಿರುವ "ತಪ್ಪು ಮಾಹಿತಿ’ ವಿರುದ್ಧ ಜನಜಾಗೃತಿಗಾಗಿ ದೇಶಾದ್ಯಂತ ಪ್ರಯಾಣ ಮಾಡಲಿದ್ದಾರೆ.