೨೭,೦೦೦ ಕೋಟಿ ರೂ. ಮೌಲ್ಯದ ಸೇನಾ ಸಲಕರಣೆ ಖರೀದಿಗೆ ಅಸ್ತು
ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ನೇತೃತ್ವದ ಡಿಎಸಿ ಸಭೆಯಲ್ಲಿ ಖರೀದಿ ತೆರವುಗೊಳಿಸಿದ ಈ ಕ್ರಮವನ್ನು ಅಧಿಕಾರಿಗಳು "ಮೇಕ್ ಇನ್ ಇಂಡಿಯಾ" ಮತ್ತು "ಆತ್ಮನಿರ್ಭರ ಭಾರತ’ ಉಪಕ್ರಮಗಳಿಗೆ ದೊಡ್ಡ ಉತ್ತೇಜನ ಎಂದು ಹೇಳಿದ್ದಾರೆ.
ರಕ್ಷಣಾ ಸಚಿವಾಲಯದ ಹೇಳಿಕೆಯ ಪ್ರಕಾರ, ಅನುಮೋದಿತ ಸ್ವಾಧೀನ ಪ್ರಸ್ತಾಪಗಳಲ್ಲಿ ಭಾರತೀಯ ವಾಯುಪಡೆಗಾಗಿ ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್‌ಡಿಒ) ವಿನ್ಯಾಸಗೊಳಿಸಿದ ಮತ್ತು ಅಭಿವೃದ್ಧಿಪಡಿಸಿದ ವಾಯುಗಾಮಿ ಮುನ್ನೆಚ್ಚರಿಕೆ ಮತ್ತು ನಿಯಂತ್ರಣ (ಎಇಯು ಮತ್ತು ಸಿ) ವಿಮಾನಗಳು, ಭಾರತೀಯ ನೌಕಾಪಡೆಗೆ ಮುಂದಿನ ಪೀಳಿಗೆಯ ಕಡಲಾಚೆಯ ಗಸ್ತು ಹಡಗುಗಳು ಮತ್ತು ಮಾಡ್ಯುಲರ್ ಸೇತುವೆಗಳು ಸೇರಿವೆ.
ಸೇನೆ, ನೌಕಾಪಡೆ ಮತ್ತು ವಾಯುಪಡೆಗೆ ಅಗತ್ಯವಿರುವ ವಿವಿಧ ಶಸ್ತ್ರಾಸ್ತ್ರಗಳು, ಪ್ಲಾಟ್‌ಫಾರ್ಮ್‌ಗಳು, ಉಪಕರಣಗಳು ಮತ್ತು ವ್ಯವಸ್ಥೆಗಳಿಗಾಗಿ ಒಟ್ಟಾರೆ ೨೮,೦೦೦ ಕೋಟಿ ರೂ. ಮೊತ್ತದ ಏಳು ಬಂಡವಾಳ ಹೂಡಿಕೆ ಪ್ರಸ್ತಾಪಗಳನ್ನು ಡಿಎಸಿ ಅನುಮೋದಿಸಿದೆ. ಈ ಪೈಕಿ ೨೭,೦೦೦ ಕೋಟಿ ರೂ. ಮೌಲ್ಯದ ಆರು ಬಂಡವಾಳ ಹೂಡಿಕೆಗಳನ್ನು ಭಾರತೀಯ ಉದ್ಯಮದಿಂದ ಮಾಡಲಾಗುವುದು ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ, ಆದರೆ ಹೆಚ್ಚಿನ ವಿವರಗಳನ್ನು ನೀಡಲಾಗಿಲ್ಲ.
ರಕ್ಷಣಾ ಸ್ವಾಧೀನ ನಿಯಮಾವಳಿ ೨೦೨೦ ರ ಹೊಸ ಆಡಳಿತದಡಿಯಲ್ಲಿ ಇದು ಡಿಎಸಿಯ ಮೊದಲ ಸಭೆಯಾಗಿದ್ದು, "ಅವಶ್ಯಕತೆಯ ಸ್ವೀಕಾರ (ಎಒಎನ್)ದ ಮೊದಲ ಸೆಟ್ ಆಗಿದೆ ಎಂದು ಹೇಳಿಕೆ ತಿಳಿಸಿದೆ.
ಬಹುಪಾಲು ಅವಶ್ಯಕತೆಯ ಸ್ವೀಕಾರಗಳನ್ನು "ಬೈ ಇಂಡಿಯನ್ (ಐಡಿಡಿಎಂ)’ ನ ಹೆಚ್ಚಿನ
ವರ್ಗೀಕರಣದಲ್ಲಿ ನೀಡಲಾಗಿದೆ" ಎಂದು ಹೇಳಿಕೆ ತಿಳಿಸಿದೆ.
No comments:
Post a Comment