ಬಲ್ಲಿರೇನಯ್ಯಾ? ಚುನಾವಣೆಗಳಲ್ಲಿ ಗೆದ್ದವರು
ಯುಪಿಎ ಅಧ್ಯಕ್ಷರಾಗಲು ಆಸಕ್ತಿ ಇಲ್ಲ: ಪವಾರ್
ಶರದ್
ಪವಾರ್ ಅವರು ಕಾಂಗ್ರೆಸ್ ಮುಖ್ಯಸ್ಥೆ ಸೋನಿಯಾ ಗಾಂಧಿ ಅವರ ಸ್ಥಾನವನ್ನು ವಹಿಸಿಕೊಳ್ಳಬಹುದು ಎಂಬ ಊಹಾಪೋಹಗಳನ್ನು ಎನ್‌ಸಿಪಿ ನಾಯಕ ಖಂಡತುಂಡವಾಗಿ ತಳ್ಳಿಹಾಕಿದರು.
ದೆಹಲಿ
ಗಡಿಗಳಲ್ಲಿ ನಡೆಯುತ್ತಿರುವ ರೈತರ ಆಂದೋಲನದ ಕುರಿತು ವಿರೋಧ ಪಕ್ಷದ ನಾಯಕರನ್ನು ಭೇಟಿ ಮಾಡಲು ದೆಹಲಿಗೆ ತೆರಳುವ ಒಂದು ದಿನ ಮುಂಚಿತವಾಗಿ ಪವಾರ್ ಅವರು ಸುದ್ದಿ ಸಂಸ್ಥೆ ಒಂದಕ್ಕೆ ಈ ವಿಚಾರವನ್ನು ತಿಳಿಸಿದರು.
‘ಯುಪಿಎ
ಅಧ್ಯಕ್ಷರಾಗಲು ನನಗೆ ಸಮಯ ಅಥವಾ ಒಲವು ಇಲ್ಲ. ಅಂತಹ ಯಾವುದೇ ಪ್ರಸ್ತಾಪದ ಬಗ್ಗೆ ಯಾವುದೇ ಪ್ರಶ್ನೆಯೂ ಇಲ್ಲ’ ಎಂದು ಪವಾರ್ ಹೇಳಿದರು.
ಸೋನಿಯಾ
ಗಾಂಧಿಯಿಂದ ಯುಪಿಎ ಆಡಳಿತವನ್ನು ಪವಾರ್ ವಹಿಸಿಕೊಳ್ಳಬಹುದೆಂಬ ಮಾಧ್ಯಮಗಳ ಊಹಾಪೋಹಗಳನ್ನು ನ್ಯಾಷನಲಿಸ್ಟ್ ಕಾಂಗ್ರೆಸ್ ಪಕ್ಷ (ಎನ್‌ಸಿಪಿ) ಈ ಹಿಂದೆ ತಳ್ಳಿಹಾಕಿತ್ತು.
"ಅಂತಹ
ಯಾವುದೇ ಪ್ರಸ್ತಾಪಕ್ಕೆ ಸಂಬಂಧಿಸಿದಂತೆ ಯುಪಿಎ ಪಾಲುದಾರರಲ್ಲಿ ಯಾವುದೇ ಚರ್ಚೆಯಿಲ್ಲ ಎಂದು ಸ್ಪಷ್ಟಪಡಿಸಲು ನ್ಯಾಷನಲಿಸ್ಟ್ ಕಾಂಗ್ರೆಸ್ ಪಕ್ಷ ಬಯಸಿದೆ’ ಎಂದು ಮುಖ್ಯ ವಕ್ತಾರ ಮಹೇಶ್ ತಪಾಸೆ ಹೇಳಿದ್ದರು. "ಮಾಧ್ಯಮಗಳಲ್ಲಿ ಕಾಣಿಸಿಕೊಳ್ಳುವ ವರದಿಗಳು, ದೆಹಲಿ ಗಡಿಗಳಲ್ಲಿ ನಡೆಯುತ್ತಿರುವ ರೈತರ ಆಂದೋಲನದಿಂದ ಗಮನವನ್ನು ಬೇರೆಡೆ ಸೆಳೆಯಲು ಪಟ್ಟಭದ್ರ ಹಿತಾಸಕ್ತಿಗಳು ನಡೆಸಿರುವ ಕಸರತ್ತಿನಂತೆ ಕಾಣುತ್ತಿದೆ’ ಎಂದು
ಅವರು ಹೇಳಿದರು.
ಆದಾಗ್ಯೂ,
ಡಿಸೆಂಬರ್ ೧೨ ರಂದು ಪವಾರ್
ಅವರ ೮೦ ನೇ ಹುಟ್ಟುಹಬ್ಬದ
ಸಂದರ್ಭದಲ್ಲಿ ಮಾತನಾಡಿದ್ದ ಎನ್‌ಸಿಪಿ ನಾಯಕ ಪ್ರಫುಲ್ ಪಟೇಲ್ ಮಹಾರಾಷ್ಟ್ರ ಮಿತ್ರ ಪಕ್ಷ ಕಾಂಗ್ರೆಸ್ಸಿನ ಕಾಲೆಳೆದು, ಪಕ್ಷದ ‘ದರ್ಬಾರ್ ಕೂಟ’ದಿಂದಾಗಿ ೧೯೯೦
ರ ದಶಕದಲ್ಲಿ ಪ್ರಬಲ ಮರಾಠಾ ವ್ಯಕ್ತಿ ಪ್ರಧಾನಿಯಾಗಲು ಸಾಧ್ಯವಾಗಲಿಲ್ಲ’ ಎಂದು
ಹೇಳಿದ್ದರು.
"ರಾಜಕೀಯದಲ್ಲಿ
ಏನು ಬೇಕಾದರೂ ಆಗಬಹುದು" ಎಂಬುದಾಗಿ ಶಿವಸೇನೆ ನಾಯಕ ಸಂಜಯ್ ರೌತ್ ಅವರು ನೀಡಿದ ನಿಗೂಢ ಪ್ರತಿಕ್ರಿಯೆಯಿಂದ ಈ ಊಹಾಪೋಹಗಳಿಗೆ ನೀರೆರೆದಿತ್ತು.
ಡಿಸೆಂಬರ್
೧೨ ರಂದು ೮೦ ನೇ ವರ್ಷಕ್ಕೆ
ಕಾಲಿಟ್ಟ ಮಾಜಿ ಕೇಂದ್ರ ಸಚಿವರು ದೊಡ್ಡ ರಾಷ್ಟ್ರೀಯ ಪಾತ್ರ ವಹಿಸುವ ಸಾಮರ್ಥ್ಯ ಹೊಂದಿದ್ದಾರೆ ಎಂದು ಮಹಾರಾಷ್ಟ್ರದ ಆಡಳಿತಾರೂಢ ಮೈತ್ರಿಕೂಟದ ಅಂಗಪಕ್ಷಗಳಾದ ಶಿವಸೇನಾ, ಎನ್‌ಸಿಪಿ ಮತ್ತು ಕಾಂಗ್ರೆಸ್ ವಿಶ್ವಾಸ ವ್ಯಕ್ತಪಡಿಸಿದ್ದವು.
"ರಾಜಕೀಯವು ಅನಿರೀಕ್ಷಿತವಾಗಿದೆ, ಮುಂದೆ ಏನಾಗಲಿದೆ ಎಂಬುದು ನಿಮಗೆ ಎಂದಿಗೂ ತಿಳಿಯುವುದಿಲ್ಲ’ ಎಂದು ಶಿವಸೇನಾ ಸಂಸದ ರೌತ್ ಹೇಳಿದ್ದರು.
ಸರ್ಕಾರದ ಸ್ಥಿರತೆಗಾಗಿ ನಮ್ಮ ನಾಯಕತ್ವದ ಟೀಕೆ ನಿಲ್ಲಿಸಿ: ಕಾಂಗ್ರೆಸ್
ರಾಹುಲ್
ಗಾಂಧಿಯವರ ನಾಯಕತ್ವವು "ಸ್ಥಿರತೆ’ ಯನ್ನು ಹೊಂದಿಲ್ಲ ಎಂಬುದಾಗಿ ರಾಷ್ಟ್ರೀಯವಾದಿ ಕಾಂಗ್ರೆಸ್ ಪಕ್ಷದ (ಎನ್‌ಸಿಪಿ)
ಮುಖ್ಯಸ್ಥ ಶರದ್ ಪವಾರ್ ಹೇಳಿದ ನಂತರ ಕಾಂಗ್ರೆಸ್ ರಾಜ್ಯ ಕಾರ್ಯಕಾರಿಣಿ ಅಧ್ಯಕ್ಷೆ ಯಶೋಮತಿ ಠಾಕೂರ್ ಅವರು ಈ ಮನವಿಯನ್ನು ಮಾಡಿದರು.
ಯಶೋಮತಿ
ಅವರು ಲೋಕಮತ ಮರಾಠಿ ದಿನಪತ್ರಿಕೆಗೆ ನೀಡಿದ ಸಂದರ್ಶನದಲ್ಲಿ ಪವಾರ್ ಅವರ ಕುರಿತಾದ ಹೇಳಿಕೆಗಳು
ಬಂದವು.
ಇಂಗ್ಲಿಷ್
ಮತ್ತು ಮರಾಠಿ ಭಾಷೆಯ ಸರಣಿ ಟ್ವೀಟ್‌ಗಳಲ್ಲಿ ಠಾಕೂರ್
ಅವರು ಎಂವಿಎ ನಾಯಕರ ಸಂದರ್ಶನಗಳು ಮತ್ತು ಲೇಖನಗಳನ್ನು ಉಲ್ಲೇಖಿಸಿದರು.
’ನೀವು
ಮಹಾರಾಷ್ಟ್ರದಲ್ಲಿ ಸ್ಥಿರ ಸರ್ಕಾರವನ್ನು ಬಯಸಿದರೆ ನಾನು ಎಂವಿಎ ಸಹೋದ್ಯೋಗಿಗಳಿಗೆ ಕಾಂಗ್ರೆಸ್ ನಾಯಕತ್ವದ ಬಗ್ಗೆ ಪ್ರತಿಕ್ರಿಯಿಸುವುದನ್ನು ನಿಲ್ಲಿಸಿ ಎಂಬುದಾಗಿ ನಾನು ಎಂವಿಎ ನಾಯಕರಿಗೆ ಮನವಿ ಮಾಡಬೇಕಾಗಿದೆ’ ಎಂದು
ಅವರು ಟ್ವೀಟ್ ಮಾಡಿದರು.
’ಎಲ್ಲರೂ
ಒಕ್ಕೂಟದ ಮೂಲ ನಿಯಮಗಳನ್ನು ಪಾಲಿಸಬೇಕು. ನಮ್ಮ ನಾಯಕತ್ವವು ತುಂಬಾ ಪ್ರಬಲವಾಗಿದೆ ಮತ್ತು ಸ್ಥಿರವಾಗಿದೆ’ ಎಂದು
ಠಾಕೂರ್ ಬರೆದರು.
"ಎಂವಿಎ
ರಚನೆಯು ಪ್ರಜಾಪ್ರಭುತ್ವ ಮೌಲ್ಯಗಳಲ್ಲಿನ ನಮ್ಮ ಬಲವಾದ ನಂಬಿಕೆಯ ಫಲಿತಾಂಶವಾಗಿದೆ’ ಎಂದೂ
ಯಶೋಮತಿ ಹೇಳಿದರು.
ಏನಿದ್ದರೂ
ಎನ್‌ಸಿಪಿ ಮತ್ತು
ಶಿವಸೇನೆ ನಾಯಕರು ಪವಾರ್ ಹೇಳಿಕೆಯನ್ನು ನಿರ್ಲಕ್ಷಿಸಿದ್ದಾರೆ. ಮೂರು ಪಕ್ಷಗಳನ್ನು ಒಳಗೊಂಡ ಮೈತ್ರಿಕೂಟ ನೇತೃತ್ವದ ರಾಜ್ಯ ಸರ್ಕಾರದ ಸ್ಥಿರತೆಗೂ ಪವಾರ್ ಹೇಳಿಕೆಗೂ ಯಾವುದೇ ಸಂಬಂಧವಿಲ್ಲ’ ಎಂದು
ಎನ್‌ಸಿಪಿ, ಶಿವಸೇನಾ
ನಾಯಕರು ಹೇಳಿದರು.
ಎನ್‌ಸಿಪಿ ವಕ್ತಾರ
ಉಮೇಶ್ ಪಾಟೀಲ್ ಅವರು, ಪವಾರ್ ಅವರ ಹೇಳಿಕೆಯನ್ನು ಅವರ ವಯಸ್ಸು ಮತ್ತು ಅನುಭವದ ಹಿನ್ನೆಲೆಯಲ್ಲಿ ಸಕಾರಾತ್ಮಕವಾಗಿ ನೋಡಬೇಕು. ಸರ್ಕಾರದ ಸ್ಥಿರತೆಯ ಬಗ್ಗೆ ಠಾಕೂರ್ ಅವರ ಅಭಿಪ್ರಾಯ ಅನಗತ್ಯ. ಎಂವಿಎ ಒಳಗೆ ಉತ್ತಮ ಸಮನ್ವಯವಿದೆ. ಇತ್ತೀಚೆಗಷ್ಟೇ, [ಸರ್ಕಾರದ] ಮೊದಲ ವಾರ್ಷಿಕೋತ್ಸವದಂದು ನಾವು ಆಚರಣೆಗಳನ್ನು ನೋಡಿದ್ದೇವೆ. [ಶುಕ್ರವಾರ] [ಶಾಸಕಾಂಗ] ಕೌನ್ಸಿಲ್ ಚುನಾವಣೆಗಳಲ್ಲಿ ಮೈತ್ರಿ ಗೆಲುವು ದಾಖಲಿಸಿದೆ’
ಎಂದು ಹೇಳಿದರು.
ರಾಹುಲ್
ಗಾಂಧಿಯವರ ಬಗ್ಗೆ ಪವಾರ್ ಏನು ಹೇಳಿದರೂ ಅದಕ್ಕೂ ಎಂವಿಎ ಸರ್ಕಾರದ ಸ್ಥಿರತೆಗೂ ಯಾವುದೇ ಸಂಬಂಧವಿಲ್ಲ ಎಂದು ಶಿವಸೇನೆ ಮುಖಂಡ ಸಂಜಯ್ ರೌತ್ ಹೇಳಿದರು.
"ರಾಹುಲ್ ಗಾಂಧಿ ಅವರ ನಾಯಕತ್ವಕ್ಕೆ ಧಕ್ಕೆ ಉಂಟಾದಾಗಲೆಲ್ಲ ನಾನು ಯಾವಾಗಲೂ ಅವರ ಹಿಂದೆ ನಿಂತಿದ್ದೇನೆ. ಶರದ್ ಪವಾರ್ ಎತ್ತರದ ನಾಯಕ. ದೇಶದ ವಿರೋಧ ಪಕ್ಷಗಳು ಪವಾರ್ ಅವರನ್ನು ತಮ್ಮ ನಾಯಕ ಎಂದು ಪರಿಗಣಿಸುತ್ತವೆ. ಅವರಂತಹ ಅನುಭವಿ ನಾಯಕ ಏನನ್ನಾದರೂ ಹೇಳಿದಾಗ, ಅದನ್ನು ನಿರ್ದೇಶನಗಳಾಗಿ ನೋಡಬೇಕು’ ಎಂದು ರೌತ್ ನುಡಿದರು.
ಕಂಗನಾ ರಣಾವತ್ : ಬಿಎಂಸಿ ಆದೇಶ ರದ್ದು ಪಡಿಸಿದ ಹೈಕೋರ್ಟ್
ಬಂಗಲೆಯ ಒಂದು ಭಾಗವನ್ನು ನೆಲಸಮಗೊಳಿಸುವ ಬೃಹನ್ಮುಂಬೈ ಮುನ್ಸಿಪಲ್ ಕಾರ್ಪೊರೇಶನ್‌ನ (ಬಿಎಂಸಿ) ಕ್ರಮವು ಚಿತ್ರನಟಿಗೆ ಸಾಕಷ್ಟು ನಷ್ಟವನ್ನುಂಟುಮಾಡುತ್ತದೆ ಎಂದು ಹೇಳಿದ ನ್ಯಾಯಾಲಯ ಕಟ್ಟಡ ನೆಲಸಮ ಆದೇಶವನ್ನು ರದ್ದುಪಡಿಸಿತು.
ಯಾವುದೇ ನಾಗರಿಕರ ವಿರುದ್ಧ ಅಧಿಕಾರಿಗಳು ತೋಳ್ಬಲ ಬಳಸುವುದನ್ನು ತಾನು ಅನುಮೋದಿಸುವುದಿಲ್ಲ ಎಂದು ನ್ಯಾಯಾಲಯ ಹೇಳಿತು.
ನ್ಯಾಯಮೂರ್ತಿಗಳಾದ ಎಸ್ ಜೆ ಕಥವಲ್ಲಾ ಮತ್ತು ಆರ್ ಐ ಚಾಗ್ಲಾ ಅವರನ್ನು ಒಳಗೊಂಡ ವಿಭಾಗೀಯ ಪೀಠವು ’ಕಟ್ಟಡವು ಅನಧಿಕೃತವಾಗಿದೆ ಎಂಬುದನ್ನು ತೋರಿಸುವ ಯಾವುದೇ ಸಾಕ್ಷ್ಯಾಧಾರವೂ ಅದರ ನಾಶಕ್ಕೆ ಕ್ರಮ ಕೈಗೊಂಡ ಬಿಎಂಸಿ ಬಳಿ ಇಲ್ಲ’ ಎಂದು ಹೇಳಿದೆ.
ಸೆಪ್ಟೆಂಬರ್ ೯ ರಂದು ಉಪನಗರ ಬಾಂದ್ರಾದ ಪಾಲಿ ಹಿಲ್ ಬಂಗಲೆಯ ಒಂದು ಭಾಗವನ್ನು ನೆಲಸಮಗೊಳಿಸಿದ ಬಿಎಂಸಿ ಕ್ರಮವನ್ನು ಪ್ರಶ್ನಿಸಿ ಕಂಗನಾ ರಣಾವತ್ ಅವರು ಸಲ್ಲಿಸಿದ್ದ ಅರ್ಜಿಯ ವಿವಾರಣೆಯನ್ನು ಪೀಠ ನಡೆಸಿತು.
’ನಾಗರಿಕರ ಹಕ್ಕುಗಳ ವಿರುದ್ಧ ಪೌರ ಸಂಸ್ಥೆಯು ತಪ್ಪಾಗಿ ಮತ್ತು ಕಾನೂನುಬಾಹಿರವಾಗಿ ವರ್ತಿಸಲು ಮುಂದಾಗಿದೆ’ ಎಂದು ನ್ಯಾಯಪೀಠ ಹೇಳಿತು.
ಬಿಎಂಸಿಯಿಂದ ಎರಡು ಕೋಟಿ ರೂ. ನಷ್ಟ ಪರಿಹಾರವನ್ನೂ ಕೋರಿದ್ದ ರಣಾವತ್ ಅವರು ಬಿಎಂಸಿಯ ಕ್ರಮವನ್ನು ಕಾನೂನುಬಾಹಿರ ಎಂಬುದಾಗಿ ಘೋಷಿಸುವಂತೆ ನ್ಯಾಯಾಲಯಕ್ಕೆ ಮನವಿ ಮಾಡಿದ್ದರು.
ಪರಿಹಾರದ ವಿಷಯದಲ್ಲಿ, ಕಟ್ಟಡ ನೆಲಸಮದಿಂದ ಅವರಿಗೆ ಉಂಟಾಗಿರುವ ವಿತ್ತೀಯ ಹಾನಿಗಳ ಕುರಿತು ಅರ್ಜಿದಾರ ಮತ್ತು ಬಿಎಂಸಿಯನ್ನು ವಿಚಾರಿಸಲು ಮೌಲ್ಯಮಾಪಕರನ್ನು ನೇಮಿಸುವುದಾಗಿ ನ್ಯಾಯಪೀಠ ಹೇಳಿತು.
"ಮೌಲ್ಯಮಾಪಕರು ೨೦೨೧ರ ಮಾರ್ಚ್ ಒಳಗೆ ಪರಿಹಾರದ ಬಗ್ಗೆ ಸೂಕ್ತ ಆದೇಶಗಳನ್ನು ನೀಡಬೇಕು’ ಎಂದೂ ಎಂದು ನ್ಯಾಯಾಲಯ ಹೇಳಿತು.
ಬಿಎಂಸಿಯು ಈ ಮನವಿಯನ್ನು ವಿರೋಧಿಸಿತ್ತು ಮತ್ತು ನಟಿ ತನ್ನ ಅನುಮೋದಿತ ಯೋಜನೆಯನ್ನು ಉಲ್ಲಂಘಿಸಿ ಬಂಗಲೆಗೆ ವ್ಯಾಪಕವಾದ ಮಾರ್ಪಾಡುಗಳನ್ನು ಮತ್ತು ಸೇರ್ಪಡೆಗಳನ್ನು ನಿರ್ಲಕ್ಷ್ಯದಿಂದ ಮತ್ತು ಕಾನೂನುಬಾಹಿರವಾಗಿ ನಡೆಸಿದ್ದಾರೆ ಎಂದು ವಾದಿಸಿತ್ತು.
ಬಂಗಲೆಯ ಒಂದು ಭಾಗವನ್ನು ಉರುಳಿಸುವ ಪ್ರಕ್ರಿಯೆಯನ್ನು ಬಿಎಂಸಿ ಪ್ರಾರಂಭಿಸಿದಾಗ ರಣಾವತ್ ಅವರು ಸೆಪ್ಟೆಂಬರ್ ೯ ರಂದು ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದರು. ಸೆಪ್ಟೆಂಬರ್ ೯ ರಂದು ನ್ಯಾಯಾಲಯವು ಮಧ್ಯಂತರ ಆದೇಶದಲ್ಲಿ ನೆಲಸಮಗೊಳಿಸುವ ಕೆಲಸವನ್ನು ತಡೆಹಿಡಿಯಿತು.
ನ್ಯಾಯಾಲಯದ ಆದೇಶದ ಬಗ್ಗೆ ಪ್ರತಿಕ್ರಿಯಿಸಿದ ಕಂಗನಾ, "ವ್ಯಕ್ತಿಯು ಸರ್ಕಾರದ ವಿರುದ್ಧ ನಿಂತು ಗೆದ್ದಾಗ, ಅದು ವ್ಯಕ್ತಿಯ ವಿಜಯವಲ್ಲ, ಬದಲಿಗೆ ಅದು ಪ್ರಜಾಪ್ರಭುತ್ವದ ವಿಜಯವಾಗುತ್ತದೆ. ನನಗೆ ಧೈರ್ಯ ನೀಡಿದ ಎಲ್ಲರಿಗೂ ಧನ್ಯವಾದಗಳು ಮತ್ತು ನನ್ನ ನನ್ನ ಕನಸುಗಳನ್ನು ಭಗ್ನಗೊಳಿಸಿದ್ದಕ್ಕಾಗಿ ನಕ್ಕಿದ್ದವರಿಗೆ ಧನ್ಯವಾದಗಳು. ನೀವು ಖಳನಾಯಕನ ಪಾತ್ರ ವಹಿಸಿದ ಕಾರಣದಿಂದಾಗಿಯಷ್ಟೇ ನಾನು ನಾಯಕಿ (ಹೀರೋ) ಕ್ಕೆ ಕಾರಣವಾಗುವುದರಿಂದ ನಾನು ಹೀರೋ ಆಗಬಹುದು’ ಎಂದೂ ಕಂಗನಾ ರಣಾವತ್ ಹೇಳಿದರು.
