ಪತ್ರಕರ್ತ ಅರ್ನಬ್ ಗೋಸ್ವಾಮಿಗೆ ಸುಪ್ರೀಂಕೋರ್ಟ್ ಜಾಮೀನು, ಬಿಡುಗಡೆ
ಇದೇ
ಸಂದರ್ಭದಲ್ಲಿ, ವೈಯಕ್ತಿಕ ಸ್ವಾತಂತ್ರ್ಯವನ್ನು ಎತ್ತಿಹಿಡಿಯಲು ತಮ್ಮ ನ್ಯಾಯವ್ಯಾಪ್ತಿಯನ್ನು ಚಲಾಯಿಸುವಂತೆ ಹೈಕೋರ್ಟ್ಗಳಿಗೆ ಸುಪ್ರೀಂಕೋರ್ಟ್ ಸೂಚಿಸಿತು.
ನ್ಯಾಯಮೂರ್ತಿ
ಚಂದ್ರಚೂಡ್ ನೇತೃತ್ವದ ನ್ಯಾಯಪೀಠವು ಅರ್ನಬ್ ಗೋಸ್ವಾಮಿ ಮತ್ತು ಇತರ ಇಬ್ಬರು ಆರೋಪಿಗಳಿಗೆ ೫೦,೦೦೦ ರೂಪಾಯಿಗಳ
ಭದ್ರತಾ ಖಾತರಿ ಮೇಲೆ ಮಧ್ಯಂತರ ಜಾಮೀನು ಮಂಜೂರು ಮಾಡಿ, ಈ ಆದೇಶವನ್ನು ಕೂಡಲೇ
ಪಾಲಿಸುವಂತೆ ಪೊಲೀಸ್ ಆಯುಕ್ತರಿಗೆ ನಿರ್ದೇಶನ ನೀಡಿತು.
ನವೆಂಬರ್
೪ರಂದು ಬಂಧನಕ್ಕೆ ಒಳಗಾಗಿದ್ದ ಅರ್ನಬ್ ಗೋಸ್ವಾಮಿ ಅವರು, ನ್ಯಾಯಾಂಗ ಬಂಧನಕ್ಕೆ ಒಳಪಟ್ಟಿದ್ದರು. ಅರ್ನಬ್ ಮೇಲೆ ಆತ್ಮಹತ್ಯೆಗೆ ಪ್ರಚೋದಿಸಿದ ಆರೋಪ ಹೊರಿಸಲಾಗಿತ್ತು.
ಗೋಸ್ವಾಮಿ
ಅವರನ್ನು ಪ್ರತಿನಿಧಿಸಿದ ಹಿರಿಯ ವಕೀಲ ಹರೀಶ ಸಾಳ್ವೆ ಅವರು ’ಮರು ತನಿಖೆ ನಡೆಸುವ ಅಧಿಕಾರವನ್ನು ತಪ್ಪಾಗಿ ಬಳಸಲಾಗುತ್ತಿದೆ’ ಎಂದು
ನ್ಯಾಯಾಲಯದಲ್ಲಿ ವಾದಿಸಿದರು. "ನಾವು ಎಫ್ಐಆರ್ ಹಂತವನ್ನು ಮೀರಿದ್ದೇವೆ. ೨೦೧೮ರ ಮೇ ೫ರಂದು ಎಫ್ಐಆರ್
ದಾಖಲಾಗಿದ್ದು, ಈ ವಿಷಯದ ಬಗ್ಗೆ
ತನಿಖೆ ನಡೆಸಿದ ನಂತರ, ಈಗ ಮರು ತನಿಖೆಯ
ಅಧಿಕಾರವನ್ನು ತಪ್ಪಾಗಿ ಬಳಸಲಾಗಿದೆ’
ಎಂದು ಅವರು ಪ್ರತಿಪಾದಿಸಿದರು.
ಮಹಾರಾಷ್ಟ್ರ
ಗೃಹ ಸಚಿವ ಅನಿಲ್ ದೇಶಮುಖ್ ಅವರು ಒಳಾಂಗಣ ವಿನ್ಯಾಸಕಾರ ಅನ್ವಯ್ ನಾಯಕ್ ಅವರ ಕುಟುಂಬದ ಹೊಸ ದೂರಿನ ಆಧಾರದ ಮೇಲೆ ಮರು ತನಿಖೆಗೆ ಆದೇಶಿಸಿದ ಹಿನ್ನೆಲೆಯಲ್ಲಿ ಅರ್ನಬ್ ಗೋಸ್ವಾಮಿ ಅವರನ್ನು ಬಂಧಿಸಲಾಗಿತ್ತು. ಅನ್ವಯ್ ನಾಯಕ್ ಅವರು ತಾಯಿ ಕುಮುದ್ ಅವರೊಂದಿಗೆ ೨೦೧೮ರ ಮೇ ತಿಂಗಳಲ್ಲಿ ಆತ್ಮಹತ್ಯೆ
ಮಾಡಿಕೊಂಡಿದ್ದರು. ಆತ್ಮಹತ್ಯೆ ಟಿಪ್ಪಣಿಯಲ್ಲಿ ಆರೋಪಿಗಳ ಸಂಸ್ಥೆಗಳಿಂದ ತಮಗೆ ಬಾಕಿ ಪಾವತಿ ಆಗಲಿಲ್ಲ ಎಂದು ನಾಯಕ್ ಆರೋಪಿಸಿದ್ದರು.
ಸುಪ್ರೀಂ
ಕೋರ್ಟ್ ತನ್ನ ಆದೇಶದಲ್ಲಿ ಅರ್ನಬ್ ಗೋಸ್ವಾಮಿ ಜೊತೆಗೆ ಸಹ ಆರೋಪಿಗಳಾದ ನೀತೀಶ್
ಸರ್ದಾ ಹಾಗೂ ಫೈರೋಜ್ ಮೊಹಮ್ಮದ್ ಶೇಖ್ ಅವರಿಗೂ ಜಾಮೀನು ನೀಡಿದೆ.
ನ್ಯಾಯಮೂರ್ತಿಗಳಾದ
ಡಿ.ವೈ.ಚಂದ್ರಚೂಡ್ ಮತ್ತು
ಇಂದಿರಾ ಬ್ಯಾನರ್ಜಿ ಅವರನ್ನು ಒಳಗೊಂಡ ರಜಾಕಾಲೀನ ಪೀಠವು ರಾಜ್ಯ ಸರ್ಕಾರಗಳು "ಸಿದ್ಧಾಂತದ ಆಧಾರದ ಮೇಲೆ ವ್ಯಕ್ತಿಗಳು, ಅಭಿಪ್ರಾಯದ ಭಿನ್ನತೆ" ಯನ್ನು ಗುರಿಯಾಗಿಸಿಕೊಂಡ ಬಗ್ಗೆ ಕಳವಳ ವ್ಯಕ್ತಪಡಿಸಿತು ಮತ್ತು ನಾಗರಿಕರ ಸ್ವಾತಂತ್ರ್ಯವನ್ನು ರಕ್ಷಿಸಲು ಸುಪ್ರೀಂ ಕೋರ್ಟ್ ಇದೆ ಎಂದು ಅವರು ಅರಿತುಕೊಳ್ಳಬೇಕು ಎಂದು ಹೇಳಿತು.
ವಿಚಾರಣೆ
ವೇಳೆ ಬಾಂಬೆ ಹೈಕೋರ್ಟ್ ನಿಲುವಿಗೆ ಬೇಸರ ವ್ಯಕ್ತಪಡಿಸಿದ ನ್ಯಾಯಮೂರ್ತಿ
ಚಂದ್ರಚೂಡ್ ಅವರು, ವೈಯಕ್ತಿಕ ಸ್ವಾತಂತ್ರ್ಯವನ್ನು ರಕ್ಷಣೆ ಮಾಡುವ ನಿಟ್ಟಿನಲ್ಲಿ ಹೈಕೋರ್ಟ್ ಸೋತಿದೆ ಎಂದು ಅಭಿಪ್ರಾಯಪಟ್ಟರು.
ಭಾರತೀಯ
ಪ್ರಜಾಪ್ರಭುತ್ವವು
"ಅಸಾಧಾರಣ ಸ್ಥಿತಿಸ್ಥಾಪಕತ್ವ’ವನ್ನು
ಹೊಂದಿದೆ ಮತ್ತು ಮಹಾರಾಷ್ಟ್ರ ಸರ್ಕಾರವು ಈ ಎಲ್ಲವನ್ನು ನಿರ್ಲಕ್ಷಿಸಬೇಕು
(ಟಿವಿಯಲ್ಲಿ ಅರ್ನಬ್ ಮಾಡಿದ ಅವಹೇಳನ). "ಅವರ ಸಿದ್ಧಾಂತ ಏನೇ ಇರಲಿ, ಕನಿಷ್ಠ ನಾನು ಅವರ ಚಾನೆಲನ್ನು ಸಹ ವೀಕ್ಷಿಸುವುದಿಲ್ಲ ಆದರೆ ಈ
ಸಂದರ್ಭದಲ್ಲಿ ಸಾಂವಿಧಾನಿಕ ನ್ಯಾಯಾಲಯವು ಈಗ ಹಸ್ತಕ್ಷೇಪ ಮಾಡದಿದ್ದರೆ,
ನಾವು ನಿರ್ವಿವಾದವಾಗಿ ವಿನಾಶದ ಹಾದಿಯಲ್ಲಿ ಪ್ರಯಾಣಿಸುತ್ತಿದ್ದೇವೆ’ ಎಂದು
ನ್ಯಾಯಮೂರ್ತಿ ಚಂದ್ರಚೂಡ್ ಹೇಳಿದರು, "ಈ ಆಪಾದನೆಗಳಿಗೆ ಸಂಬಂಧಿಸಿದಂತೆ
ವ್ಯಕ್ತಿಯ ವೈಯಕ್ತಿಕ ಸ್ವಾತಂತ್ರ್ಯವನ್ನು ನೀವು ನಿರಾಕರಿಸಬಹುದೇ ಎಂಬುದು ಇಲ್ಲಿನ ಅಂಶ’ ಎಂದು ಅವರು ನುಡಿದರು.
"ಹೈಕೋರ್ಟ್ಗಳು
ಜಾಮೀನು ನೀಡದಿರುವ ಮತ್ತು ಜನರ ವೈಯಕ್ತಿಕ ಸ್ವಾತಂತ್ರ್ಯವನ್ನು ರಕ್ಷಿಸುವಲ್ಲಿ ವಿಫಲವಾದ ಪ್ರಕರಣದ ನಂತರ ನಾವು ಪ್ರಕರಣವನ್ನು ನೋಡುತ್ತಿದ್ದೇವೆ’ ಎಂದು
ನ್ಯಾಯಾಲಯ ಹೇಳಿತು.
ಜಾಮೀನು
ನಿರಾಕರಿಸುವ ಹೈಕೋರ್ಟ್ ಆದೇಶವನ್ನು ಪ್ರಶ್ನಿಸಿ ಸುದ್ದಿ ನಿರೂಪಕರು ಮಂಗಳವಾರ ಉನ್ನತ ನ್ಯಾಯಾಲಯಕ್ಕೆ ಮೆಟ್ಟಿಲೇರಿದ್ದರು.
ಗೋಸ್ವಾಮಿ
ಮತ್ತು ಇತರ ಇಬ್ಬರು ಆರೋಪಿಗಳಾದ ಫಿರೋಜ್ ಶೇಖ್ ಮತ್ತು ನಿತೇಶ್ ಸರ್ದಾ ಅವರನ್ನು ನವೆಂಬರ್ ೪ ರಂದು ಬಂಧಿಸಲಾಗಿತ್ತು.
ಅದೇ ದಿನ ಅವರನ್ನು ನ್ಯಾಯಾಲಯಕ್ಕೆ ಹಾಜರು ಪಡಿಸಲಾಯಿತು. ಆದಾಗ್ಯೂ, ಮ್ಯಾಜಿಸ್ಟ್ರೇಟರು ಅವರನ್ನು ಪೊಲೀಸ್ ವಶಕ್ಕೆ ಒಪ್ಪಿಸಲು ನಿರಾಕರಿಸಿದರು ಮತ್ತು ಅವರನ್ನು ನವೆಂಬರ್ ೧೮ ರವರೆಗೆ ನ್ಯಾಯಾಂಗ
ಬಂಧನಕ್ಕೆ ಕಳುಹಿಸುವಂತೆ ಆದೇಶ ನೀಡಿದ್ದರು.
ಬೆಳಗ್ಗೆ
೧೧ ಗಂಟೆಗೆ ಆರಂಭವಾದ ಪ್ರಕರಣದ ವಿಚಾರಣೆ ಸಂಜೆ ೪.೧೫ರವರೆಗೂ ನಿರಂತರವಾಗಿ
ನಡೆಯಿತು.
No comments:
Post a Comment