ಮಿಗ್ -೨೯ ದುರಂತ; ಪೈಲಟ್ ದೇಹ ಪತ್ತೆ
ನಾಪತ್ತೆಯಾದ ಮಿಗ್ -೨೯ ಪೈಲಟ್ ಕಮಾಂಡರ್ ನಿಶಾಂತ್ ಸಿಂಗ್ ಅವರ ಶವವನ್ನು ವಿಮಾನ ಅಪಘಾತಕ್ಕೀಡಾದ ಪ್ರದೇಶದಲ್ಲಿಯೇ ಪತ್ತೆ ಹಚ್ಚಲಾಗಿದೆ ಎಂದು ಭಾರತೀಯ ನೌಕಾಪಡೆಯ ಅಧಿಕಾರಿಗಳು 2020 ಡಿಸೆಂಬರ್ 07ರ ಸೋಮವಾರ ತಿಳಿಸಿದರು.
ಆದಾಗ್ಯೂ, ದೇಹವು ಸಿಂಗ್ ಅವರದ್ದು ಎಂಬುದಾಗಿ ಖಚಿತಪಡಿಸಲು ಡಿಎನ್ಎ ಪರೀಕ್ಷೆಯ ಫಲಿತಾಂಶವನ್ನು ನಿರೀಕ್ಷಿಸಲಾಗಿದೆ ಎಂದು ಅವರು ಹೇಳಿದರು.
ಕಮಾಂಡರ್ ಸಿಂಗ್ ಅವರು ಮಿಗ್ -೨೯ ಕೆ ತರಬೇತುದಾರ ವಿಮಾನ ಅರಬ್ಬಿ ಸಮುದ್ರಕ್ಕೆ ಅಪ್ಪಳಿಸಿದ ನಂತರ ನವೆಂಬರ್ ೨೬ ರಂದು ನಾಪತ್ತೆಯಾಗಿದ್ದರು. ವಿಮಾನದಲ್ಲಿದ್ದ ಇನ್ನೊಬ್ಬ ಪೈಲಟ್ನನ್ನು ರಕ್ಷಿಸಲು ರಕ್ಷಣಾ ತಂಡಗಳಿಗೆ ಸಾಧ್ಯವಾಗಿತ್ತು.
ರಷ್ಯಾ ಮೂಲದ ಅವಳಿ ಆಸನಗಳ ತರಬೇತುದಾರ ಜೆಟ್ ದೇಶದ ಏಕೈಕ ವಿಮಾನವಾಹಕ ನೌಕೆ ಐಎನ್ಎಸ್ ವಿಕ್ರಮಾದಿತ್ಯದ ಡೆಕ್ನಿಂದ ಹೊರಟ ನಂತರ ಭಾರತದ ಪಶ್ಚಿಮ ಕರಾವಳಿಯಲ್ಲಿ ಸಮುದ್ರಕ್ಕೆ ಅಪ್ಪಳಿಸಿತ್ತು.
ನವೆಂಬರ್ ೨೬ ರ ಅಪಘಾತವು ಮಿಗ್ -೨೯ ಕೆ ಕಡಲ ಸಮರ ವಿಮಾನಕ್ಕೆ ಸಂಬಂಧಿಸಿದ ನಾಲ್ಕನೇ ಅಪಘಾತವಾಗಿದೆ. ನಾಲ್ಕು ವರ್ಷಗಳ ಹಿಂದೆ ಸಂಸತ್ತಿನಲ್ಲಿ ಮಂಡಿಸಲಾದ ವರದಿಯಲ್ಲಿ, ಎಂಜಿನ್ ತೊಂದರೆಗಳು, ಏರ್ ಫ್ರೇಮ್ ತೊಂದರೆಗಳು, ಅದರ ಫ್ಲೈ-ಬೈ-ವೈರ್ ವ್ಯವಸ್ಥೆಯಲ್ಲಿನ ನ್ಯೂನತೆಗಳು ಮತ್ತು ಕಳಪೆ ಸೇವಾಶೀಲತೆ ಸೇರಿದಂತೆ ಡೆಕ್ ಆಧಾರಿತ ಯುದ್ಧ ವಿಮಾನದ ಕೆಲವು ನ್ಯೂನತೆಗಳನ್ನು ಭಾರತದ ಉನ್ನತ ಲೆಕ್ಕಪರಿಶೋಧಕರು ಪಟ್ಟಿ ಮಾಡಿದ್ದರು.
ಮಿಗ್ -೨೯ ಕೆ ಏರ್ ಫ್ರೇಮ್, ಆರ್ಡಿ ಎಂಕೆ -೩೩ ಎಂಜಿನ್ ಮತ್ತು ಅದರ ಫ್ಲೈ-ಬೈ-ವೈರ್ ಸಿಸ್ಟಮ್ ಸಮಸ್ಯೆಗಳ ಬಗ್ಗೆ ಕಂಟ್ರೋಲರ್ ಮತ್ತು ಆಡಿಟರ್ ಜನರಲ್ ಅವರು ೨೦೧೬ರ ಜುಲೈ ತಿಂಗಳಲ್ಲಿ ಸಲ್ಲಿಸಿದ ವರದಿಯಲ್ಲಿ ತಿಳಿಸಿದ್ದರು.
No comments:
Post a Comment